Pierre Curie
Na Galipedia, a wikipedia en galego.
Pierre Curie (París, Francia, 15 de maio de 1859 - París, Francia, 19 de abril de 1906) foi un físico francés, pioneiro no estudo da radiactividade. Casado con Marie Curie, foi pai da tamén científica Eve Curie.
Obtivo o premio Nobel de Física coa súa muller Marie Curie, outra famosa física, en 1903 en recoñecemento dos extraordinarios servizos prestados en conxunto nas súas investigacións sobre a radiación descuberta polo profesor Henri Becquerel.
Descubriu a piezoelectricidade en 1880, estudou o magnetismo, e enunciou en 1894 o principio universal de simetría: As simetrías presentes nas causas dun fenómeno físico tamén se atopan nas súas consecuencias.
Morreu a raíz dun accidente en 1906, ao ser esmagada a súa cabeza polas rodas dun carro. Iso evitou seguramente a morte por efectos da radiación que agardou á súa muller posteriormente.
