The Police
Na Galipedia, a wikipedia en galego.
Atención: Este artigo precisa un traballo de revisión.
Por favor vexa a lista de Artigos con problemas e mellóreo de acordo coas indicacións que aparecen nesa páxina. Cando os problemas se resolvan retire esta mensaxe e borre a páxina da lista de artigos con problemas, pero por favor non quite esta mensaxe ata que estea todo solucionado.
The Police, grupo británico formado en 1977 por Sting (Gordon Summers, voz, baixo e compositor), Andy Summers (guitarra) e Stewart Copeland (batería).
[editar] Biografía
The Police foi un grupo peculiar dende os seus comezos. Os tres compoñentes tiñan unha idade avanzada para o que é habitual no mundo do rock cando comezaron. De feito, dous deles (Sting e Andy Summers) estaban casados. Sting tiña familia e un traballo estable de profesor de educación física. Tocaba como aficionado o baixo nun grupo de jazz local na súa cidade natal de Newcastle, Last Exit. Alí comezaron a chamalo Sting (o aguillón) pola súa afición a vestir unha camiseta marela e negra nos concertos. Andy e Stewart eran músicos experimentados curtidos en distintas esceas e grupos.
Algo xurdiu no momento axeitado para que estes mozos deixaran a súa vida acomodada e se botaran o equipo a costas para triunfar no mundo da música. Dende logo tiñan cousas que dicir. A primeira formación do grupo estivo composta por Sting, Stewart (que proviña de grupos de rock alternativo) e un guitarrista corso chamado Henri Padovani, moi amante da festa.
Como tantos outros, Police xurdiu nos últimos estertores da época punk, momento no cal xurdiron outros moitos grupos moi dispares no Reino Unido que, partindo desa orixe común, aportaron unha grande creatividade á música de hoxe. Sen ir máis lonxe, The Cure ou U2 creáronse un ano máis tarde.
O nome do grupo tamén está influenciado polo tema punk, púxoo Stewart buscando con intención provocadora. Os primeiros sinxelos do grupo (Fall Out, Nothing Achieving...) son temas punk enérxicos nos que xa se aprecia a calidade e versatilidade da voz de Sting. Pero nisto tamén sería un grupo atípico. The Police pronto abandoou o estilo punk (aínda que progresivamente) para iniciar outras aventuras. As razóns da súa reorientación musical e da súa orixinalidade: a calidade dos membros como músicos, o feito de que Sting tomara o mando como compositor en lugar de Stewart Copeland, a chegada de Andy, un guitarrista extraordinario, e posiblemente o menos excesivo que ten habido nunca nun trío, a visión de mercado do seu novo manager...
O grupo separouse en 1984 por tensións persoais e artísticas. En 2007 os integrantes anunciaron unha nova agrupación e unha nova xira, aínda que o desencontro entre Sting e Coppeland segue a ser patente e continuo.
[editar] O Estilo
Se algo hai que recoñecer a The Police é a súa capacidade para reinventarse na súa curta vida (7 ou 8 anos). Pronto acuñaron un estilo alcumado "white reggae". A influencia da música reggae nas composicións dos tres primeiros discos é enorme, pero sempre con un selo propio. Un estilo que a misturaba con sons do rock e o novo pop. Así xurdiron temas como Message in a Bottle, So Lonely, Roxanne ou Walking on the Moon. Sting ten dito que The Police era un grupo de éxitos, non de bos discos. Poida que teña razón... ou poida que o diga en grande parte porque os seus primeiros discos, quizais os máis talentosos combinaban grandes composición súas con algunha de Stewart que, na opinión do osixenado loiro, desmerecían o conxunto. Esa mestura crea un estilo e un conxunto xenial, e os dous primeiros discos sen dúbida son enormes. O tempo parece dar a razón neste sentido.
