مازيار
From Wikipedia
مازيار، کارن (قارن) ِ ريکه بو و ونداد هرمزد ِ نوّه. کارن ِ بمورده پسی، تبرستان ِ حوکومت دکته مازيار ِ عمو دس. امّا چن زمات بازون، مازيار خو عمو شکست بدأ و خو پئر حوکومته دسا گيته. مازيار، سال 224 هجری ضد خليفه قيام بئوده کی اين ِ قيام به «سورخ علمؤن» معروفا بو. چون ايشؤن ِ پرچم رنگ سورخ بو. مازيار مردومه موتحدا گوده و مسلمانؤن ِ امواله ضبط بئوده و دستور بدأ کی مسجدؤنه خرابا کونن و کشاورزؤنه بئوته کی خوشؤن ِ اربابؤن ِ امواله ويگيرن خوشؤن ِ ره. عربؤن و مسلمانؤنی کی مازيار قيام مئن خوشؤن ِ قودرت و ثروته دس جی هدأ بون، خليفه ره نامه بنويشتن کی اوشؤنه کومک بکونی. خليفه نی يه‌ته ايرانی به نام عبدالله بن طاهره مامور بئوده کی دروغ و فريب امره مازياره يه‌ته جنگه مئن بکوشی. مازيار، شلاق ِ جير بمورده. اون ِ جسده، بابک ِ جنازه ورجه وارگدن داره. بابک خرمدين دوسال پيش‌تر خليفه جی شکست بوخورده بو.
