Mahmud Päyande
From Wikipedia
mahmud pǎyandeh langerudi 12 ǎzar 1310 xuršidi sǎl, langərudə meen bazasə bubo. ibtidǎi tahsilə 1317 xuršidi sǎlə meen, xu šahrə meen sar haytə. amma panj sǎlə pasi, marizi vasi tarkə tahsil budə amma du sǎlə baadə pasi dumǎrtə bušo o tahsilə idǎmə hada.
šeer o šǎire 1320 xoršidi ji, calangar ruznome meen sar haytə. i ruznomə afrǎšte ši bu. šanə gutan kə langerudi, afrǎšte ji šeer o šǎere yǎd haytə. 28 murdǎdə kudatǎ budə bazi pas, langerudi dumǎrtə darsə vila gudə o bušo tehron.
1333 tǎ 1344 tehronə nivisandəgonə amrə ǎšanǎ bubo o omidə ironə majale meen xu kǎrə sar haytə, kə unə meen siyǎsi šeer gut; amǎ cun inə šeeron siyǎsi bon can vaqtə baad inə jəlo baytan.
mahmud pǎyandeh langerudi, šwə 27 ǎbonə 1377 xuršidi sǎl, tehronə meen, dunyǎ ji bušo. langerudi u moqe 67 sǎl sin dašt. pǎyanda xu šahrə meen yani langərud dafn budan.
inə banvištan:
1- 1334) osyǎn gul, seerə majmue, tehron, 560 valg.
2- 1336) gilaki taronan, 44tə dubayti majmue, tehron, 26 valg.
3- 1352) gil o daylamə masalon o istəlǎhon, tehron, ironə farhangə bunyǎd, duvum cǎp: tehron, soruš 1374, 302 valg.
4- gil o daylamə ǎinon o bǎvardǎšton, tehron, ironə farhangə bunyǎd, duvum cǎp: tehron, insoni olumə mutǎləǎtə pažuhašgǎh 1377, 428 valg.
5- 1357) gilone qarib šǎh mašhur bə ǎdil šǎh, qiyǎm, tehron, saharə intišǎrǎt, 108 valg.
6- ye šw bušom roxonə, tehron, nǎšer mualef, 80 valg.
7- laylə ku, tehron, nǎšer mualef, 50 valg.
8- langarudə xaštə pul, tehron, nǎšer mualef, 12 valg.
9- 1365) gil o daylamə farhang, tehron, amir kabirə intišǎrǎt, duvum cǎp: tehron 1376, 788 valg.
10- 1368) doctor hešmat jangali ji yǎd, tehron, šole andiše intišǎrǎt, 182 valg.
11- 1370) xuninanə dǎrolmarzə tǎrix ( gilon o mǎzandaron ), rašt, gilakon, 306 valg.
12- 1374) afrǎšte gilaki šeeron, jumakuni o vǎgardon, rašt, gilakon, 288 valg.
13- yǎdə ji bušo ( majmue dǎston ), digar ǎhangə intišǎrǎt, 133 valg.
14- 1384) giləvǎ ( fǎrsi majmue šeeron ), ǎtenǎ našr, 165 valg.
i nivištə http://www.varg.ir/archives/2006/12/post_71.php ji vǎgardan bubokə.
