Raşt
From Wikipedia
رشت/ گیلان مرکز/ ایته فراخ جلگه در 30 کیلومتری دریای کاسپین/ ا شهر 3437 هکتار وسعت دره و تهران جا 340 کیلومتر فاصله دره . ا شهر دیدنی جایان: مسجد صفی/ دانای علی ، چمار سرا میانی/ خوار ایمام/ کتابخانه ملی/ موزه/ میرزا کوچیک خان مزار در سلیمانداراب/ خانه ابریشمی/ سبزه میدون پارک/ کلاه فرنگی/ باغ محتشم ( پارک ملی/) مدرسه شاهپور/ ساختمان شهرداری/ و....
وچن ته جه رشت قدیمی محله یان: ساغریسازان ، چومارسرا ، باقر آباد ، لبه آب ، لاکانی ، آفخرا ، اوستا سرا ، پیرسرا ، پل عراق ، دانشسرا ، و ...
[edit] تاریخچه
شهر رشت قدمت تاریخیه بالایی دَره و احتمال دیهید کی قبل از اسلام و زمان ساسانی شین ببه. اولین نشانه های شهر دو ته رود زرجوب و گوهررودِ مابین شکل بیگیفت . رشت بین دو ته حاکم نشین قرار دَشتی و ایته بین راهی منزل به حساب آمویی.هن باعیث ببو فومن و لاجؤنه جا دور بمانه و عارف آدمان اونه اینتخاب بوکونید. و اوشان احترام سبب بوبوست اَ ناحیه بعدها نی جی محلی جنگان دور بمانه. هه عامل باعیث ببوست تجارت رشت مئن قوت بیگیره و 4 شنبه بازار معروفی بدَره. شاه عباس در اوایل قرن 17 مرکزیت گیلانه رشته فاده و شهر فراخ َ بوست. روسان رشته صفویه دوره مئن اشغال بوکودید. در سال 1245 ه.ق ایته دوره طاعون اَ شهره هوجوم باورد. و باعث بوبوست رشت تا زمان قاجار چند دوره افول بدَره.افشاریه و زندیه هرج و مرج نی اَ موشکله زیادتر بوکود. قاجار زمان رشت نفس تازه بوکود و ایوارده قوّت بیگیت. دو ته بازار دَشتی کی اولی "ساغریسازان" یا باربندان و دومی "ساروق بندان" نام دَشتید.ساروق بندان در نقشه امروزی خیابان سعدی تا صیقلانه در بر گیره. و ساغریسازان نی خیابانه موطهری مئن نهه.
رشت مین چن ته بوزورگه طایفه حوضور دَشتیدی:
حاج سمیع
امشه ای
ارامنه
یهودیان
اروپاییان
باخی مردومه عادی بون کی همیش تاریخه سازید اما هی وقت اوشان نام ننه! رشت انقلاب مشروطه پس و بعدِ رضا خان دوره ایته شکل جدید بیگیفت و چن ته تازه خیابان اونه اضافه بوسته.
[edit] هسا رشت چی حال و روزی دَره؟
رشت ساختار زولبیایی شکل دره و پوره جه 3 راهی. اَ شهر هر روز جمعیت زیادیه جه همه جای گیلان خو مین جا ده و مهربانانه اوشانه پذیرایی کونه. شهر رشت نیاز فراوانی به شهری خدمات دَره کی موتأسفانه تا هسا نادیده گیفته به. رشت محل تولد بسیاری جه روشنفکران ، موبارزان ،استادان دانشگاه ، و ... بو . و هسا هوتویی کی ایته جه روزنامه نگاران عونوان کونه تنها تانیم اونه نامه " وهاشته شهر" بنیم
ای وانيويس راجه به ايران، ناقصه. اينِ کاملأ کودنِ امره، ويکی‌پديا ايله‌جار بدين.
