Deo secundo le Testes de Jehovah
De Wikipedia, le encyclopedia libere
Iste articulo es subjective. Vide Taverna super le articulos de opinion religiose.
Iste articulo da le definition de Deo secundo le Testes de Jehovah, un secta del christianismo.
[modificar] Qui, vermente, es Deo?
- Qui es le ver Deo, e como se appella Ille? (1, 2)
- Qual typo de corpore ha Ille? (3)
- Qual son Su qualitates extraordinari? (4)
- Es il ben utilisar statuas o symbolos pro adorar Deo? (5)
- Cita duo manieras de apprender a cognoscer Deo. (6)
1. Le gente adora multe cosas. Mais le Biblia nos dice que il ha solo un VER Deo. Il es Ille qui a create tote lo que il ha in le celo e sur le terra. Como Ille ha date nos le vita, nos debe adorar solmente Ille. - 1 Corinthios 8:5, 6; Revelation 4:11.
2. Deo porta multe titulos, mais Ille non ha plus que un solo Nomine. Ille se appella Jehovah. In multe Biblias, le Nomine de Deo se reimplacia per titulos como Senior o Deo. Mais quando le Biblia era scribite, le Nomine Jehovah se trovava in illo quasi 7 000 vices! – Exodo 3:15; Psalmo 83:18.
3. Jehovah ha un corpore, mais non un corpore como le nostre. Le Biblia dice que "Deo es un spirito ". (Johannes 4:24.) Un spirito es un forma de vita multo superior al nostre. Necun homine ha jammais vidite Deo. Jehovah vive in le celos, mais Ille pote vider toto (Psalmo 11:4, 5; Johannes 1:18). Que es le spirito sancte? Contrarimente a Deo, le spirito sancte non es un persona, mais le fortia active de Deo. — Psalmo 104:30.
4. Le Biblia explica nos que typo de persona es Jehovah. Illo monstra que Su qualitates extraordinari son le amor, le justitia, le sagessa e le potentia (Deuteronomio 32:4; Job 12:13; Isaia 40:26; 1 Johannes 4:8). Le Biblia dice nos que Ille es tamben misericordiose e bon, que Ille pardona, que Ille es generose e patiente. Como infantes obediente, nos deberea essayar de imitar Le. — Ephesios 5:1, 2.
5. Es il ben inclinar se o precar ante statuas, imagines o symbolos? Non! (Exodo 20:4, 5) Jehovah dice que nos debe adorar solo Ille. Ille non dividera su gloria con qualcuno o qualque cosa. Le statuas non son capabile de adjutar nos. — Psalmo 115:4-8; Isaia 42:8.
6. Como pote nos cognoscer Deo melior? Un modo es observar le cosas que Ille ha create e reflecter profundemente lo que illos nos face saper. Le creation de Deo nos monstra que Ille ha un grande potentia e un grande sagessa. Nos vide Su amor in toto lo que Ille ha facite (Psalmo 19:1- 6; Romanos 1:20). Un altere modo de cognoscer Deo melior es de studiar le Biblia. In le Biblia, Ille explica nos ancora plus del typo de Deo que Ille es. Ille dice nos tamben lo que Ille ha le intention de facer e lo que Ille exige de nos. — Amos 3:7; 2 Timotheo 3:16, 17.
