Frederick Gardner Cottrell
De Wikipedia, le encyclopedia libere
Frederick Gardner Cottrell, Dr., (10 januario 1877 - 16 novembre 1948) Nascite in Oakland, California. Il esseva Dr. Cottrell qui primemente informava Alice V. Morris e Dave Hennen Morris de New York prestar super le problema interlinguistic e le necessitate pro un lingua international auxiliar. Gratias a iste discussiones se fundava le "International Auxiliary Language Association" (IALA) con le supporto de Alice e Dave Morris, e Dr. Cottrell deveniva un del directores fundator de IALA in 1924 (usque a su morte in 1948).
Dr. Cottrell studiava al Universitate de California in 1896 e universitates in Berlin (1901) e Leipzig, ubi, in 1902, ille obteneva su doctorato. Ille deveniva director del Bureau de Minas e depois del Division de Nitrogeno Fixate pro le governamento american. Dr. Cottrell travaliava in le campo de chimia e se occupava de nitratos, petroleo e helium. Su memoria es usque nunc supervivente in le "processo Cottrell" e le "Precipitator Cottrell" disveloppate per ille e le qual causa le precipitation de particulas solide de fumos urban e industrial.
