Wikipedia:Wikipedia non es un dictionario
De Wikipedia, le encyclopedia libere
Parte de Wikipedia:Lo que Wikipedia non es.
Es natural, quando tu vide Wikipedia pro le prime vice, confunder lo con un dictionario. Multes del articulos, actualmente, es breve. Alora alcun personas initia un articulo listante varie significatos de un termino, e alora cessa laborar in ille articulo, como si illes esseva interessate solo in dar le significatos de varie terminos.
Iste non es un practica a esser incoragiate.
Quasi totos concorda que breve articulos preliminar debe esser incoragiate. Il ha alcun divergentia de opinion quanto a si solo definitiones es acceptabile. Si tu vole facer totos felice, adde un pauco de information encyclopedic de alcun sorta. Non da solmente le significatos del parola. Si tu solo da le significato del parola, necuno va devenir furiose verso te. Illes simplemente va considerar que le articulo es un articulo "preliminar", que essera expandite posteriormente. Probabilemente illo es OK in le major parte del casos.
In ultra, il ha varie significatos de terminos que non es de interesse in un encyclopedia. Illos esserea tal in un dictionario, mais Wikipedia non es un dictionario. Alora il non ha senso in describer iste altere significatos mermente dictionaresc de terminos in articulos de Wikipedia (a minus que sia importante describer iste significatos a fin de acclarar le topico principal del articulo).
Ora que le situation es explicate, nota que, ben que Wikipedia non es un dictionario, nostre projecto companion Wiktionary es tal.
