• Ti Windows Vista ti kaudian a ruar ti Microsoft Windows, maysa a linia ti grafikal a a sistema ti panangpaandar a maar-aramat kadagiti personal a computer a pakairamanan dagiti makina a maar-aramat iti pagtaengan ken negosio. Nairuar ken naiwaras kadagiti agparpartuat iti kompiuter idi Noviembre 8, 2006. Sa idi Enero 30, 2007, nairuar iti sangalubongan iti sapasap a publico.

• Dagiti pag-ong iti baybay wenno pawikan ket agbibiagen iti lubong iti nasuroken a 100 riwriw a tawtawen, maysa kadagiti kadaanan nga ay-ayup iti lubong. Linabsanda iti ipapatay dagiti dinosauro ket addada a biag agingga iti agdama, ngem aganay a 300 a sebbangan laengen ti mabatbati gapu iti nadaras a pannakadadael ti pagnanaedanda ken gapu iti sobra a pannakaanupda.

• Ni Juan S.P. Hidalgo, Jr. (naipasngay idi Julio 12, 1936) ket maysa nga Ilokano a fiksionista, novelista, mannaniw, editor, agipatpatarus, ken pintor. Isu ti sigud a manarawidwid nga editor ti magasin a Bannawag, a nagpaayanna iti 37 a tawen (1961-1998) kas kangrunaan nga editor iti literatura. Nagpaay pay kas editor ti magasin a Rimat. Ni Hidalgo ti nanggubuay iti pannakabangon ti Gunglo dagiti Mannurat nga Ilokano wenno GUMIL kas maysa a nailian ken internasional nga organisasion.

• Ti Evangelio ni Judas ket maysa a documento a maipagarup nga inar-aramat dagiti Cainites, maysa a nasapa a Cristiano a gnostico a secta. Naipablaak daytoy iti 2006 kalpasan a natarimaan ken naipatarus daytoy manipud kadagiti nasarakan a kadaanan a manuscrito a papyrus a naisurat iti duog a pagsasao a Coptico. Linaon ti evangelio ti positivo a a pannakaitalimudok ken ni Judas Iscariote, ti apostol a nadakamat kadagiti orthodox wenno tradisional nga Evangelio a kas nangliput ken ni Jesus babaen ti panangilakona iti Cristo kadagiti autoridad a Romano a nangilansa ken Jesus iti cruz. Patalgedan ti Evangelio ni Judas a maysa a panagtungpal kadagiti bilin ni Jesus ti inaramid ni Judas Iscariote a saan ket a kas panangliput.

» Dadduma pay a baro nga articulos...

• Pimmusay ni Gerald Ford, dati nga Presidente iti Estados Unidos. Agtawen iti 93. Isu laeng iti nagtakem a presidente ti Estados Unidos nga saan binutosan ti nagilian. Sinukatanna ni Richard Nixon idi immikkat gapu iti eskandalo a Watergate.

• Agsasaganad nga gingined iti abagatan a pantar ti Taiwan ti nangdadael iti nadumaduma nga saggayad ti uneg ti baybay ket nangtubngar iti telecomunikasion idiay Asia. Impakdaar dagiti autoridad nga agsagana iti Filipinas no kasparigan maabutan iti tsunami a kas maysa metro ti kadakkelna.

• Ginubat iti bileg a militar ti Etyopia, pagilian a Cristiano, iti Somalia. Rinautda dagiti il-ili iti amianan ken iti capitolio a Mogadishu, tulong para iti nakapsut a govierno ti Somalia a manglablaban ken maikaniwas iti Agtitipon a Korkorte ti Islam, grupo a Muslim nga makiniggem iti tengnga ken abagatan ti Somalia ken mapabasol a mangtultulong iti Al Kaeda.

• Sangapulo ti natayen idiay Ehipto agsipud iti H5N1 virus a trangkaso dagiti billit.

» Dadduma pay a paspasamak iti agdama...

• ... nga adda aganay a walo a milion nga agus-usar wenno agsasao iti Iloko iti intero a Filipinas? Ala, ket saan pay a nairaman dita a bilang dagiti agsasao iti Iloko kadagiti gangganaet a pagilian!

• ... nga nabirngasan iti "Saluyot" dagiti Ilokano gapu iti pinagayatda iti daytoy a nagalis a bulong?

• ... a gagara ni Diego Silang a mangbangon iti nawaya a pagilian dagiti Ilokano idi sinnupiatna dagiti simmakup a Castila?