Lexiko
From Wikipedia
Lexiko esas linguistikala termino por vorto-arsenalo di ula linguo. Lexiko konsistas ek lexemi. Vorti ofte havas multa diversa formi, por exemplo, bela, beli, bel, belan, belin. Ca formi esas konkrete uzata (videbla, lektebla, audebla) formi di lexemo, do lexemo prizentas omna konjugata formi di ula vorto. Irga formo povas esar prizentanto di lexemo, ma generale, pro komforteso ed evidenteso, selektesas maxim simpla formo, quo ofte esas i.a. infinitivo (de verbi) o singulara nominativo (de substantivi), edc.
Segun teorio di transformo-linguistiko, lexiko esas parto di bazala komponento, quo havas analizata lexemi. En linguistiko lexemi skribesas kun mayuskulo, por exemplo, BELA. Ofte linguistikala lexemo e serchinda vorto en vortaro (o vorto-libro) esas uniforma, e lo povas kunfuzar ca termini en omnadial uzo.
Lektez anke pri lexikologio, vorto-libro.
