Reyðarfjörður
Úr Wikipediu, frjálsa alfræðiritinu
Reyðarfjörður er djúpur fjörður sem er hluti Austfjarða á Íslandi. Við fjarðarbotninn norðanverðan stendur þorp sem hét upphaflega Búðareyri, en bærinn er nú kallaður Reyðarfjörður. Um 900 manns bjuggu þar til skamms tíma en vegna framkvæmda við nýtt álver Alcoa-Fjarðaráls eru skráðir íbúar þar nú vel yfir 2000.
Reyðarfjörður er hluti af sveitarfélaginu Fjarðabyggð. Reyðarfjörður er lengsti fjörður Austfjarða, 30km langur og 7km breiður.
Á staðinn eru komnir margir afþreyingamöguleika, svo sem íþróttahöll, líkamsræktarstöð, bíóhús, bar og kaffihús . Einnig er þjónustustig hátt á Reyðarfirði með 3 banka, 3 bensínstöðvar,lágvöruverslun, fatabúð og meira og fleira. Hafnaraðstaða er góð frá nátturunnar hendi.
Mikill uppgangur er á Reyðarfirði vegna atvinnuaukningar með tilkomu nýs álvers á Íslandi, sem er jafnframt það stærsta á Íslandi.
Stutt er í næstu byggðarkjarna; 15km á Eskifjörð, þar sem keyrt er yfir Hólmaháls; 18km á Fáskrúðsfjörð ef keyrt er í gegnum Fáskrúðsfjarðargöngin, sem voru tekin í notkun árið 2005; og 32km í Egilsstaði.
