Arane anak
Saka Wikipédia, Ènsiklopédhi Bébas ing basa Jawa / Saking Wikipédia, Bauwarna Mardika mawi basa Jawi
Ing Jawa, anak bisa diarani seka cacah-cacahé anak utawa wektuné lair. Tabèl iki nudhuhaké sebutan-sebutan mau.
| dhampit | anak kembar loro lanang lan wadon |
| gilir kacang | anak akèh selingan lanang-wadon |
| anggana | anak akèh sing urip mung siji |
| cemani | bocah kulité ireng mulus |
| bulé | bocah kulité putih mulus |
| gondhang kasih | anak loro séjé pakulitané, ireng lan putih |
| julung sungsang | bocah lairé ngepasi srengéngé pener sirah (awan) |
| julung kembang | bocah lairé mbarengi srengéngé mlethèk |
| julung sarab | bocah lairé ngarepé srengéngé surup |
| julung caplok | bocah lairé mbarengi srengéngé surup |
| margana | bocah lairé ing ndalan |
| jempina | bocah lairé durung wektuné (prematur) |
| lola | bocah sing wis ora nduwé bapa-biyung |
| pambarep | anak nomer siji |
| panggulu | anak nomer loro |
| pandhadha | anak nomer telu |
| sumèndhi | kakang wuragil |
| wuragil/waruju | anak kèri dhéwé |
| ontang-anting | anak tunggal, lanang |
| uger-uger lawang | anak loro anang kabèh |
| cukit dhulit | anak telu lanang kabèh |
| pandhawa | anak lima lanang kabèh |
| untang-unting | anak tunggal, wadon |
| kembang sepasang | anak loro wadon kabèh |
| gotong mayit | anak telu wadon kabèh |
| sarimpi | anak papat wadon kabèh |
| pancagati/pandhawi | anak lima wadon kabèh |
| kedhana-kedhini | anak loro lanang wadon |
| kedhini kedhana | anak loro wadon lanang |
| sendhang kapit pancuran | anak telu, lanang-wadon-lanang |
| pancuran kapit sendhang | anak telu, wadon-lanang-wadon |
| sapasar | anak lima lanang wadon |
| ipil-ipil | anak lima, lanang siji wadon papat |
| kembar | anak loro lanang kabèh utawa wadon kabèh |
