Mosalaparwa
Saka Wikipédia, Ènsiklopédhi Bébas ing basa Jawa / Saking Wikipédia, Bauwarna Mardika mawi basa Jawi
Mosala Parwa iku perangan nomer 16 (nembelas) ing kitab Mahabharata. Ing kene kacaritaake musnane para Wresni lan Yadu, utawa wong-wong ing krajan Mandura (Madura)-Dwarawati.
Nalika kuwi Bathara Narada lan sawetara resi lunga menyang Dwarawati. Ing kene wong-wong iki nylamur laku dadi pandhita. Samba lan wong-wong Dwarawati nggoda. Samba didandani kaya dene wanita kang lagi ngandhut (meteng). Pandhita mau ditakoni ‘’bayi’’ kang ana ing weteng iku lanang apa wadon. Pandhita mau nesu amarga ngerti yen sejatine wong mau Samba kang lanang. Pandhita iku supata yen mengkone Samba bakal nglairke tenan gada (mosala) wesi sing bakal mateni trah Yadu.
Pocapan iku dadi kasunyatan. Sawise lair gada kuwi, banjur dilebur dadi lebu (serbuk) lan diguwang menyang segara. Baladewa lan Kresna banjur nglarang wong-wong padha mabuk-mabukan.
Sawijine dina, Bathara Kala teka. Iku dadi pratandha yen bakal ana bebaya. Wong-wong sanegara banjur gawe upacara ing pinggir segara. Nalika upacara iki wong-wong ngombe arak lan mabuk. Wong-wong padha padudon lan adu tandhing. Pisanane Satyaki ngece Kretamarma kang mlayu seka paprangan Bharatayuddha. Kretamarma mati dipateni dening Satyaki nganggo kayu glagah sing thukul ing cedhak kono. Wit-wit glagah iku sejatine seka gada (mosala) sing dibuang ing segara. Glagah mau banjur dadi wesi sing kuwat. Wong-wong banjur padha tandhing nganggo glagah-glagah mau lan mati kabeh.
Kresna lan Baladewa sedhih. Ing crita iki iku kasebut patine Baladewa lan Kresna. Baladewa mati nalika tapa lan saka tutuke (cangkeme) metu naga. Kresna mati nalika tapa kanthi lungguh ing godhong wit ing ngalas. Ana wong sing lagi mbedhag (berburu) lan panahe ngenani Kresna.
[sunting] Sumber
- Kapustakan Djawi déning Poerbatjaraka, (1952)
|
|
 |
|---|---|
|
Daftar Kitab: | Adiparwa | Sabhaparwa | Wanaparwa | Wirataparwa | Udyogaparwa | Bhismaparwa | Dronaparwa | Karnaparwa | Salyaparwa | Sauptikaparwa | Striparwa | Santiparwa | Anusasanaparwa | Aswamedikaparwa | Asramawasikaparwa | Mosalaparwa | Prasthanikaparwa | Swargarohanaparwa | |
|
