ბუაძე, სევერიან

ვიკიპედიიდან

ბუაძე, სევერიან (* 9 იანვარი 1894 წელი, ბუგეული ― † 27 თებერვალი 1934 ჰალე) დაამთავრა ქუთაისის პირველი გიმნაზია. სწავლობდა პეტერბურგის სამხედრო-სამედიცინო აკადემიაში. შემდეგ, 1920-1925 წლებში, ჰალეს, მარბურგისა და ისევ ჰალეს უნივერსიტეტებში. სევერიან ბუაძემ ცნობილ შვეიცარიელი ფიზიოლოგთან პროფესორ აბდერჰალდენთან ერთად, რომლის ასისტენტადაც იგი ჰალეში სწავლის შემდეგ მუშაობდა, დაამტკიცა იმავე პროფესორის სახელწოდებით მედიცინაში ცნობილი აბდერჰალდენის რეაქცია. მაშინდელ სამეცნიერო სენსაციად წოდებული სტატია აბდერჰალდენმა და ბუაძემ გამოაქვეყნეს 1930 წელს, ჟურნალ Fermentforschung-ის მე-11 ნომერში.

ცნობილია, რომ ჰალეს უნივერსიტეტი მას იცავდა ნაცისტების წინაშე და სევერიან ბუაძემ 1933 წელს მოიპოვა პროფესორობის უფლება. ჰალეს უნივერსიტეტის არქივში იგი მოხსენიებულია პრუსიის მოქალაქედ და კათოლიკე ქრისტიანად, რომელსაც საბჭოთა უწყებებმა 1933 წელს საქართველოში ჩასვლა აუკრძალეს. 1934 წელს სევერიან ბუაძე გარდაიცვალა ხანმოკლე ავადმყოფობის შემდეგ ფილტვების ანთებით.

Retrieved from "http://ka.wikipedia.org../../../%E1%83%91/%E1%83%A3/%E1%83%90/%E1%83%91%E1%83%A3%E1%83%90%E1%83%AB%E1%83%94%2C_%E1%83%A1%E1%83%94%E1%83%95%E1%83%94%E1%83%A0%E1%83%98%E1%83%90%E1%83%9C.html"

კატეგორიები: ქართველები | ქართველი მეცნიერები | დაბადებული 1894 | გარდაცვლილი 1934

ბუაძე, სევერიან

ვიკიპედიიდან

Views

ნავიგაცია

ძიება