გვიმრანაირნი
ვიკიპედიიდან
გვიმრანაირნი (Pteridophyta), უმაღლეს მცენარეთა ჯგუფი, რომელიც აერთიანებს ყველა უმაღლეს სპოროვან მცენარეს, გარდა ხავსებისა. ხავსებისაგან განსხვავებით აქვთ ფესვები და გამტარი სისტემა, ახასიათებს კანონზომიერი თაობათა მორიგეობა. კარგად განვითარებულსპოროფიტზე (უსქესო თაობა) ვიტარდება სპორები, რომლებიც გაღივების შედეგად იძლევა სქესიან თაობას - წინაზრდილს (გამეტოფიტი). სუსტად განვითარებულ წინაზრდილზე ვითარდება ყველა გვიმრანაირისათვის მსგავსი სასქესო ორგანოები (მამრობითი - ანთერიდიუმები და მდედრობითი - არქეგონიუმები). განაყოფიერების შემდეგ ვითარდება უსქესო თაობა. გვიმრანაირნი აერთიანებენ თანამედროვე (გვიმრები, შვიტები, ლიკოპოდიუმები, სელაგინელები, იზოეტუმისნაირნი და ფსილოტუმისნაირნი) და გადაშენებულ მცენარეთა ჯგუფს.
ადრე გვიმრანაირნი ითვლებოდნენ ერთიან ტაქსონომირ ჯგუფად - ტიპად (ზოგჯერ ქვეტიპად). ამჟამად კი ბოტანიკოსთა უმრავლესობას მიაჩნია, რომ ისინი რამდენიმე დამოუკიდებელ ტიპად უნდა დაიყონ. ზოგჯერ ტერმინი "გვიმრანაირნი" ვიწრო გაგებით იხმარება და აღნიშნავს გვიმრებს.
