გვირგვინის კურთხევა კიდეს-კიდე

ვიკიპედიიდან

გვირგვინის კურთხევა კიდეს-კიდე (სამართლის ისტორია), წარმომადგენლობითი ქორწინება ძველ საქართველოში. ფართოდ იყო გავრცელებული დიდგვაროვანთა წრეში. ერთმანეთისაგან დაშორებით მყოფი საქმრო და საცოლე, რომლებსაც რაიმე მიზეზით დროზე ერთად შეყრა არ შეეძლოთ, გვირგვინის კურთხევის წესს თავიანთი ბინადრობის ადგილას ასრულებდნენ. გვირგვინის ქვეშ საცოლესთან საქმროს მაგიერ სხვა ვინმე მამაკაცი იდგა, საქმროსთან საცოლის ნაცვლად ასევე - მამაკაცი და არა ქალი. მაგრამ ჯვრისწერის დროს იხსენიებდნენ ნამდვილი საქმროსა და საცოლის (და არა მათი წარმომადგენლების) სახელებს. ასეთი ჯვრისწერა ეწინააღმდეგებოდა კანონიკური სამართლეებრივ დოგმებს, რომელთა მიხედვითაც ქორწინება რელიგიური საიდუმლოებაა და არა ხელშეკრულება. 1103 წელს წარმომადგენლობითი ქორწინების ეს წესი სასტიკად აკრძალა რუის-ურბნისის საეკლესიო კრებამ.

სტატიაში გამოყენებულია ქართული საბჭოთა ენციკლოპედია.

Retrieved from "http://ka.wikipedia.org../../../%E1%83%92/%E1%83%95/%E1%83%98/%E1%83%92%E1%83%95%E1%83%98%E1%83%A0%E1%83%92%E1%83%95%E1%83%98%E1%83%9C%E1%83%98%E1%83%A1_%E1%83%99%E1%83%A3%E1%83%A0%E1%83%97%E1%83%AE%E1%83%94%E1%83%95%E1%83%90_%E1%83%99%E1%83%98%E1%83%93%E1%83%94%E1%83%A1-%E1%83%99%E1%83%98%E1%83%93%E1%83%94.html"

კატეგორიები: ქსე-ის მასალები | ძველი ქართული სამართალი

გვირგვინის კურთხევა კიდეს-კიდე

ვიკიპედიიდან

Views

ნავიგაცია

ძიება