თამარი (გურჯი-ხათუნი)

ვიკიპედიიდან

თამარი, გურჯი-ხათუნი, XIII საუკუნე, საქართველოს მეფის რუსუდანის ასული. მამამისი მოღის ედ-დინი იყო არზრუმის გამგებლის ტოღრილის ძე.

1236 მიათხოვეს რუმის სულთან ყიას ედ-დინ ქეი ხუსრვე II-ს(1236-1246). თამარმა დიდი გავლენა მოიპოვა სულთნის კარზე. 1236 მოჭრილ ფულზე სულთანმა სიმბოლურად ამოატვიფრინა მისი სახე (მზე ლომის ზოდიაქოში). ასე შეიქმნა აღმოსავლეთში ცნობილი ემბლემა შირ-უ-ხირშიდ (ლომი და მზე), რომელიც შემდგომ სელჩუკის სხვა სულთნებბმაც გამოიყენეს და მოგვიანებით სპარსეთშიც დამკვიდრდა.

სულთნის გარდაცვალების შემდეგ ქვეყნის გამგებლობა ხელთ იგდო ვეზირმა მუინ ედ-დინ სულეიმან ფერვანამ და იმდროინდელი ტრადიციების მიხედვით სულთნის ქვრივი - გურჯი-ხათუნი ცოლად შეირთო. გურჯი-ხათუნი მეგობრობდა აღმოსავლეთის უდიდეს პოეტ ჯალალ ალ-დინ რუმისთან. დედოფლის მცდელობით შეიქმნა რუმის პირველი პორტრეტი. მისივე უშუალო ხელმძღვანელობით აშენდა პოეტის მწვანე თურბეც (აკლდამა), რომელიც სელჩუკური არქიტექტურული მშვენებაა.

Retrieved from "http://ka.wikipedia.org../../../%E1%83%97/%E1%83%90/%E1%83%9B/%E1%83%97%E1%83%90%E1%83%9B%E1%83%90%E1%83%A0%E1%83%98_%28%E1%83%92%E1%83%A3%E1%83%A0%E1%83%AF%E1%83%98-%E1%83%AE%E1%83%90%E1%83%97%E1%83%A3%E1%83%9C%E1%83%98%29.html"

კატეგორია: ქართველები

თამარი (გურჯი-ხათუნი)

ვიკიპედიიდან

Views

ნავიგაცია

ძიება

სხვა ენებზე