ლანჩხუთის რაიონი

ვიკიპედიიდან

ლანჩხუთის რაიონი - ადმინისტრაციულ-ტერიტორიული რაიონი გურიის მხარეში. რაიონის ტერიტორია 1917-მდე შედიოდა ქუთაისის გუბერნიის ოზურგეთის მაზრაში, 1921-დან ოზურგეთის მაზრაში. 1930-დან ცალკე რაიონია.

სექციების სია 1 ბუნება 2 მოსახლეობა 3 მმართველობა 4 ეკონომიკა 5 კულტურა 6 ღირშესანიშნაობანი

[რედაქტირება] ბუნება

მდებარეობს შავი ზღვის სანაპიროზე, უკავია გურიის დაბლობი და მიმდებარე სერები. ტერიტორია - 533 კვ.კმ., მათ შორის სასოფლო-სამეურნეო სავარგულებს უკავია 270 კვ.კმ. რაიონის ტერიტორიაზე მიედინება მდინარეები სუფსა, ფიჩორი, ლესისწყალი და სხვა.

[რედაქტირება] მოსახლეობა

მოსახლეობის რიცხოვნობა - 40 ათასი კაცი; სიმჭიდროვე - 76 კაცი კვ.კმ-ზე. რაიონში 57 დასახლებული პუნქტია: 1 ქალაქი, 56 სოფელი.

[რედაქტირება] მმართველობა

რაიონის ადგილობრივი თვითმმართველობის უმაღლესი ორგანოა რაიონის საკრებულო, აღმასრულებელი ორგანო - რაიონის გამგეობა. მმართველობის ადმინისტრაციული ერთეულებია:

• ქალაქის საკრებულო - 1: ლანჩხუთი;
• სოფლის საკრებულო - 15: აკეთის, აცანის, გვიმრალაურის, ლესა-ჭინათის, მამათის, მაჩხვარეთის, ნიგვზიანის, ნიგოითის, ნინოშვილის, სუფსის, ღრმაღელის, შუხუთის, ჩიბათის, ჩოჩხათის, ჯურუყვეთის..

[რედაქტირება] ეკონომიკა

ძირითადი დარგებია მეჩაიეობა, მეციტრუსეობა, მარცვლეულის მეურნეობა, მეცხოველეობა. მრეწველობაში წამყვანია კვების (ჩაის) და საშენ მასალათა დარგები. რაიონის ტერიტორიაზე გადის სამხრეთ კავკასიის რკინიგზის მაგისტრალი.

[რედაქტირება] კულტურა

რაიონში 51 სახელმწიფო ზოგადსაგანმანათლებლო სკოლაა, 1 საშუალო პროფესიული სასწავლებელი, 32 ბიბლიოთეკა, 2 თეატრი და 2 მუზეუმი.

[რედაქტირება] ღირშესანიშნაობანი

• ისტორიული ძეგლები: აცანის და ჯიქეთის მონასტრები, სოფელ ხორეთსა და გაგურში ხელოვნური გამოქვაბულები.

გურიის მხარე

ლანჩხუთის რაიონი | ოზურგეთის რაიონი | ჩოხატაურის რაიონი