წითელფრთიანი კლდეცოცია

ვიკიპედიიდან

წითელფრთიანი კლდეცოცია (Tichodroma muraria), ფრინველი ბეღურასნაირთა რიგისა. მისი სხეულის სიგრძეა 18 სმ. აქვს სადგისისებრი ნისკარტი, რუხი ზურგი, შავი ბოლო და სხეულის ქვედა მხარე, ჟოლოსფერ-წითელი, შავლაქებიანი ფრთები. გავრცელებულია ევროპისა და აზიის მთიანეთში. ბინადრობს სუბალპურ და ალპურ სარტყლების კლდეებზე, ვერტიკალურად ზღვის დონიდან 3000 მ-იდან 4700 მ-მდე, იშვიათად გვხვდება ღრმა, დაბურულ ხეობებში. ყოფილ სსრკ-ის ტერიტორიაზე გავრცელებულია კარპატების, კავკასიია (მ.შ. საქართველო), შუა აზიისა და ალთაის მთიანეთში. ბუდობს კლდეების ნაპრალებში. ბუდეს იკეთებს ხავსის, ხმელი ბალახისა და ბალნისაგან. მაისში დებს 3-4 იშვიათად 5 კვერცხს, რომელთა ინკუბაცია 17-18 დღე-ღამე გრძელდება. იკვებება მწერებით, მათი კვერცხებით, მატლებითა და ჭუპრებით, უფრო იშვიათად - ობობებითა და სხვა უხერხემლოებით. ზამთრობით ნომადობს ვერტიკალური მიმართულებით. მცირერიცხოვანი, მრავალ ადგილას იშვიათი ფრინველია.

Retrieved from "http://ka.wikipedia.org../../../%E1%83%AC/%E1%83%98/%E1%83%97/%E1%83%AC%E1%83%98%E1%83%97%E1%83%94%E1%83%9A%E1%83%A4%E1%83%A0%E1%83%97%E1%83%98%E1%83%90%E1%83%9C%E1%83%98_%E1%83%99%E1%83%9A%E1%83%93%E1%83%94%E1%83%AA%E1%83%9D%E1%83%AA%E1%83%98%E1%83%90.html"

კატეგორია: ბეღურასნაირნი

წითელფრთიანი კლდეცოცია

ვიკიპედიიდან

Views

ნავიგაცია

ძიება

სხვა ენებზე