Miesmuschel
Us de Wikipedia
Dä Lemma-Titel he es op Kölsch buchstabeet nohm Wrede.
 Mer wesse nit jenau, in wat för enem Dialekt un wat för ene Schrievwies dä Aatikkel he jeschrevve es. Dä eezte Schriever woor Düüvelskääl. Dä weed jebedde, ze markeere, in wat för enem Dialekt/Schrievwies dat he sin soll. Mieh Information fingste op Wikipedia:Schrievwies.Düüvelskääl 10:19, 3. Dez. 2006 (UTC) |
De Miesmuschel (Mytilus) es eine von dä bekannteste unn häufischste Muschele för ze eßße. Ihr Pänz, de Larve, lävve vier Wuche als Plankton unn setze sish dann irjendswuh an dä Küst fääß, jään im Brackwasser vunn ene Floßßmündung oder suh_jet. Doför hätt se suhjenannte Byssusfädscher. Mėd dän kann se sish an Steijn, Stück Holz oder suh fääßpappe. Se sinn 5-10 Zanntimeter jrooß, ovaal unn jrau bis blau-violett.
Jejeßße weede vüür allem de Miesmuschele ußß dä Noodsee, Ooßsee unn däm Atlantik. Da wääde se och op Plöcke diräkk jezüscht, zeääßt in Frankreijsch im 13. Johrhungert, hückzedaach övverall. Pro Johr wääde 100.000 Tonne Mießmuschele in Europa jejeßße.
Miesmuschele mööte levvend jekooch wääde, dat heijß vüür dem Koche mööte se ihr Schal fääß zohallde, danach moot de Schaal offe sinn. Ma kooch se in Salzwasser, Bröh, französisch och mėd Wing. In dä Kochsuud ka_ma no Öllisch unn anger Jemöös donn. In Oche ėßß ma se met Schwaazbruud, beröhmt doför sinn de Degraa-Brouereije.
| Commons: Mussels — Bėllder, Fillemsher, un Töhn |
 |
Mieh Aatikkel üvver Esse & Drinke fingste op dä Pooz:Esse & Drinke |
