Wikipedia:Schrievwies vunn dä Navvijazion unn dän Lemmas
Us de Wikipedia
He kütt en Vürschlach för de Schrievwies vun dä Navijazion un dä Lemmas. Dä stützt sisch op en Avstimmung em Aujuss, di met 7:1 usjejange es.
Enhaldsüvversich |
[Ändere] Hingerjründ
Op dä ripoarische Wikkipedija sollt jeder schrieve könne wie hä will. Et jitt en Haufe Dialekte em Rhingland, un kenger davon es mieh wert wie en andere. De ripoarische Wikkipedija wood vun enem Kölner un enem halv Bonner, halv Öcher en et Levve jerufe. Beide wolle schrieve wie sie et jewohnt sin ze schwaade. Un all die andere Lück, vun Troisdorf bes Düsseldorf, vun Holland bes in Et Berjische wolle dat och.
Mit dä Zick hätt et äwwer Knies jejevve üvver die Aat, bestimpte vill jebrouchte Sache ze schrieve. Zem Beispill Sachjrupp: wann die jeder so schriev wi hä will dann jitt et bald zig Sachjrupp för de jleische Sach. Un et weed schwer, en Sachjrupp üvverhaup ze finge. En Zick lang hätt et för jedes deutsche Bundesland bes zo sechs Sachjroppe jejevve. Dat kan mer op Wikipedia:Bundesländor nochlese.
Oder Lemma-Titel: da hätt et zem Beispill Knies jejevve, wie mer dat Lemma Shprooch schrieve soll: Sprooch ov Shprooch. Dä eijne hätt et esuh un dä andere esuh jedäuf. Dä eine hätt jesät: esuh es dat rischtijer. Dä andere hätt jesät: isch han dat Lemma anjefange, also darf isch bestemme wie et jeschrieve weed.
Oder Navijation, Houpsick un Verweijse uss andere Wiki-Projekte. Da sin Lück jekomme vun drusse un hän jesaat: dat es doch Pimakolei he, wie ihr schriev. Die hän jesaat, dat kann doch keij Minsch lese wie ihr schriev. All die komischen Diphtonge, all die Laute die mer traditionell in keijnem Ripoarischen Dialekt kennt. Mer schriev noch däm Adam Wrede oder noch de Kölsch Akademie oder mer loss et blieve.
Darum hän en paar Lück vürjeschlare, mer müsst esuh jet vereinheitlische. Mer schreck de Lück aav, he metzemache wann mer esuh verrück schrieve. Mer müsse jet donn.
Ühr sidd doch beschtuß. Med dä Idee vum vereinheitlische dooder der Lück verschrecke!
[Ändere] Adam Wrede
Dä Adam Wrede hätt en den 50ern opjeschrieve wie dat Kölsch un Vürjeberschsplatt jeschrieve weed. Et es en deckes Buch med dreij Bände. Et es keij Duden un läss beij manche Wööt mehrere Buchstabeerunge zo. Äwwer et es zimmlijj akkurat, et säät wie mer en Woot wann un wo buchstabeere dot, un et es zimlijj komplett.
Usser dem Wrede jitt et em Rhingland noch die Rejjele vun dä Akademie för uns kölsch Sproch, die däm Wrede zimmlijj ähnlijj sinn usser dat se statt J em Anlaut G schrieve. E paar andere Städt, zem Beispill Bonn, Oche un Düsseldorf hän ihre Dialäkte evenfalls opjeschrieve.
Es jo net, dat do ens jet opjeschreve wood, äver dat eß doch all unejal un uneins un wä kennt dat schon!
Mer han uns jefrooch, wann mer jet vereinheitlische don, dann sollt es eijnfach sin und för de mieste Lück akzeptabel sinn.
Kansde verjesse!
Alldiweijl de mieste Lück em Rhingland Kölsch oder jet verwandtes schwaade, sin de Kölsche Rejjele för de mieste Lück jot. Un weijl et dä Wrede in enem Buch jitt dat jeder koufe kann, es dat dat eijnfachste.
[Ändere] Navijation
Noch dä Aavstimmung un däm Klaaf ham mer uns jeeijnischt dat de Standard-Navijation noch dä Akademie jemesch mit däm Wrede sinn soll. Die jätzige Navijation kann blieve als en Alternativ-Schrievung. Dat kann mer sisch dann unger Ėnnshtëllonge selvs ussööke.
En neue Navijation es ad fädich un weed jetestet.
[Ändere] Lemma-Titel un Sachjropp
Im Prinzip hat die Aavstimmung jezeischt dat mer dokumenteete Schrievwiese levver han wie allet andere. Wie dat jenau festjelaat weede soll moss ävver noh disketeet wede: Klaafsick. Dat weed dann och eventualiter aavjestemp.
Ussnahme jitt et natürlisch, wann en Lemma nur en Bedeutung in enem Deil vum Rhingland hätt. Zem Beispill Öcher Puttes of Bahkauv. Dat kütt us Oche un weed natürlij noh dä traditionelle Öcher Schrievwies buchstabeet. Oder Vla un Hagelslag kumme uss Holland. Oder Grafschafter Goldsaft, en Markenname, dä weed natürlijj esuh buchstabeet wie hä evve heijß.
[Ändere] Houpsick un Werbung
Um uns Wikkipedija esuh attraktiv wie et jeht ze mache wöör et schön, wann mer de Houpsick un Werbung un Verweijse vun andere Wiki-Projäkte och noch däm Wrede schrieve könnte. Äwwer dat müsse mer eetz noch beklaafe op dä Klaafsick.
[Ändere] Text
Un em Text schriev natürlij jede esuh wie et ihm jefällt. Mer sin en Ripuarisch Wikkipedija un jeder es willkumme.
[Ändere] Un söns
Füerschlähsch, wim_mor_et noch bäßo maache kann, senn jän_jesinn, jangk op di Klaaf_Sigk !
