Айтыке
Wikipedia дан
чың аты - Айты (1816-1887, Жумгал өрөөнү) - манасчы, акын.
Эл арасында таланты менен кадыр-барктуу болгондуктан Айтыке аталган. Өмүрү жана чыгармачылыгы тууралуу малыматтар жокко эсе. Анын айтылуу манасчы Балык менен айтышы, Калыгул менен үзөңгүлөш теңтуш болгондугу жөнүндө азыноолак маалыматтар бар. Таластан чыккан Чоңду ырчыны өз баласындай туткан. Чоңдунун айтымына караганда Айтыке «Манас», «Семетей», «Сейтекти» бүтүндөй айткан. Айтыкенин турмуштагы негизги кесиби - манасчылык өнөр болгонун Тоголок Молдо:
Балыкты жыккан Айтыке-
Жумгалдагы Саяктан.
Үйрөнгөнүн билбеймин
Айтыке ырчы каяктан.
Манасты бу да салдырган,
Дүйнөнү бүтүн алдырган.
Аңгемеси бир далай,
Артына нуска калтырган,
- деп мүнөздөйт.
Өткөн кылымда жашап, ысымдары эл эсинде тагыраак сакталган, бирок варианттары кагазга түшүрүлбөгөн манасчылар сыяктуу эле Айтыкенин айтуусундагы «Манастын» тексттери да жазылбай калган.
