Biscum

E Vicipaedia

Biscum (Russice Бийск, Bijsk), urbs in Russia et secunda maxima urbs territorii Altaici, circiter 230 milia incolarum habet.

[recensere] Situs urbis

Biscum in australi parte Siberiae occidentalis, iuxta flumen Biam (ex qua nomen urbis genuit) prope confluentem huius fluminis et fluminis Catuni iacet.

[recensere] Historia urbis

Anno 1709, ad imperatum Petri I fortalicium inter flumina Bia et Catun loco confluentis fluviorum illorum condita, e nominibus fluminum "castrum Bicatunense" appellatur. Castellum illud anno 1710 destructa est a Dzungaris, gente nomadica, sed anno 1718 restaurata loco novo, circiter 20 chiliometra ab loco prisco, in dextra sinistra Biae. Propter mutationem dispositionis castrum Bicatunense ab anno 1732, "castrum Biscense" nominatur, quod anno 1782 factum est urbs Biscum.

Anno 1804 urbi est datum insigne: pictura urbis "in area azurea in monte aureo puteus montanus."

Saeculo XIX, castellum Bisci demolitum est (anno 1848), urbs illa facta est centrum commercii industriaeque.

Tempore Belli Magni Patrii cum evacuatione in Biscum nonnullarum sedium industrialium ex Europaea parte Unionis Sovieticae industria urbis illius incrementum magnum habuit, et imprimis pro defensione nationis favebat operi.

[recensere] Biscum hodie

Nunc Biscum centrum industriae et commercii manet. Portum, stationem ferriviariam, et aeriportum habet.

Urbs etiam est centrum scientiae culturaeque: urbi sunt universitas paedagogica, institutum technicum, scholae multae, bibliothecae nonnullae, theatra, et musaeum.