Virginia Satir
E Vicipaedia
Virginia Pagenkopf Satir (1916–1988) erat praeclara psychotherapista Americana, quae novum modum therapiae familiarum explicavit. Illa, mater therapiae familiarum saepe appellata, in Aula Decorum Laboris Socialis Civitatis Californiae honoris causa nominatur.
In praediolo Nellsvilliae in Visconsinia die 26 Iunii 1916 nata est. Anno 1936, gradum Baccalaureati Artium in Educatione Collegii Publici Praeceptorum apud Milvauchiam accepit. In scholis publicis in quinque civitatibus posterius docuit. Anno 1948, gradum Magistri Artium Scholae Administrationis Servitii Socialis Universitatis Sicagi accepit. Denique, post triginta annos, anno 1978, gradum Doctoris in Scientiis Socialibus Universitatis Visconsiniae apud Madisoniam accepit, sicut multa alia grada honoris causa, praecipue Scholae Professionalis Studiorum Psychologicorum, anno 1986.
Illius vitae sententia erat "Fieri Humanior." In primaria patris, matris, liberique triade, psychologicam actionem vidit quam "Validationem Humanam" nominavit. Ut instrueatur proprius sanationis modus, quem Exemplum Maturationis Satir (Anglice: Satir Growth Model) nominavit, professionales exercitationis circulos in Civitatibus Foederatis Americae, America Australi Centralique, Asia Occidentali, Russia, Asia Orientali, et Europa condidit. Hodie, Institutio pro Connexionibus Internationalibus, Reticulum Avanta, et Reticulum Internationale Auxiliorum Scientiae Humanae homines docent ut inter se nectant et connectiones consequentes ad homines ceteros extendant.
Satir causam pacis mundanae semper adiuvabat. In periodico Align, clarissime ait : "Familia est microcosmus ; si familiam curare sciam, mundum curare scio" (1988:20). Quam ob rem anno 1986 electa est socius Consilii Internationalis Senum, consilii conditi ab eis qui Nobelianum Pacis Praemium acceperant. Illius incussus in mundum videtur in sua mantra universali: Pax Intra, Pax Inter, Pax Extra.[1]
Obiit Paludi Altae in California die 10 Septembris 1988.
Index |
[recensere] Curriculum vitae
1936–1941 : Praeceptor et principalis in scholis publicis : Sini Williams in Visconsinia ; Annae Arbori in Michigania ; Shreveport in Ludoviciana ; Sancti Ludovici in Missuria ; et Miamiae in Florida.
1951 : Primam familiam in Sicago curat, una e praecursoribus therapiae familiarum.
1959 : Cum Donaldo Jackson, Institutionem Pro Investigatione Mentum condit, ut therapistae familiarum instrueantur.
1961 : Suam primam praesentationem Europaeanam de therapia familiarum Vindobonae in Austria facit.
1964 : Est primus director exercitationis in Institutione Esalen, apud Big Sur in California.
1964 : Liber Therapia Coniuncta Familiarum est editus.
1969 : Reticulum Internationalem Auxiliorum Scientiae Humanae (Anglice: IHLRN), quod quotannis congregatur, condit.
1972 : Liber Peoplemaking est editus.
1976 : Primam annualia familiarum castra Satir apud Pacific Palisades in California metat.
1977 : Reticulum Avanta, structuram internationalem pro exercitatione et consociatione, condit.
1981 : Primam annualem communitatem Avanta pro exercitatione, apud Park City in Uta, condit.
1982 : Praesidens Associationis pro Psychologia Humanistica fit.
1987 : Praesidens primi Symposium Therapiae Familiarum Pragae fit.
1987 : Socius Commissionis Californiae pro Dignatione Propria et Responsibilitatis Personalis et Socialis est.
1988 : Ampliores exercitationes in therapia familiarum in Russia dat.
[recensere] Honores et praemia
1976 : Praemium "Gold Medal of Outstanding and Consistent Service to Mankind" Universitatis Sicagi accipit.
1978 : Doctoratus in scientiis socialibus honoris causa Universitatis Visconsiniae apud Madisoniam accipit.
1982 : A gubernatione Germaniae Occidentalis una ex duodecim ducibus potentissimis in mundo hodierno electa est.
1985 : Post praesentationem in Congressu de Evolutione Psychotherapiae Phoenici in Arizona, inquit collega in Tempore (magazina) : "She can fill any auditorium in the country."
1985 : Una e duorum sociorum ab Academia Nationali Morum Medicorum electa est ut valetudinis consilium ad Congressum Civitatium Foederatarum det.
1987 : Socius honoris causa Societatis Medicae Czechoslovakiae electa est.
[recensere] Vide etiam
Therapia systematarum familiarum (Anglice: family systems therapy)
Therapia familiarum coniuncta (Anglice: conjoint family therapy)
[recensere] Notae
- ↑ Fortasse figura Anglica ("Peace Within, Peace Between, Peace Among") accuratissime non potest Latine converti.
[recensere] Nexus
http://www.satirpacific.org/ Pacifici Institutio Satir
[recensere] Bibliographia
Bandler, Richard, John Grinder, et Virginia Satir. 1976. Changing with Families: A Book about Further Education for Being Human. Paludi Altae, Californiae: Science & Behavior Books. ISBN 0-8314-0051-X.
Satir, Virginia. 1975. Self Esteem. Berkeleyae, Californiae: Celestial Arts. ISBN 1-58761-094-9.
———. 1976. Making Contact. Berkeleyae, Californiae: Celestial Arts. ISBN 0-89087-119-1.
———. 1978. Your Many Faces. Berkeleyae, Californiae: Celestial Arts. ISBN 0-89087-120-5.
———. 1983. Conjoint Family Therapy. Paludi Altae, Californiae: Science and Behavior Books. ISBN 0-8314-0063-3.
———. 1988. New Peoplemaking. Paludi Altae, Californiae: Science and Behavior Books. ISBN 0-8314-0070-6.
———. 1990. Peoplemaking. Londinii : Souvenir Press. ISBN 0-89087-119-1.
———, et Michele Baldwin. 1984. Satir Step by Step: A Guide to Creating Change in Families. Paludi Altae, Californiae: Science and Behavior Books. ISBN 0-8314-0068-4.
———, John Banmen, Jane Gerber, et Maria Gomori. 1991. Satir Model: Family Therapy and Beyond. Paludi Altae, Californiae: Science and Behavior Books. ISBN 0-8314-0078-1.
———, James Stachowiak, et Harvey A. Taschman. 1982. Helping Families Change. Novi Eboraci: Jason Aronson. ISBN 1-56821-227-5.
Categoriae: Latinitas ?? | L ?? | Biographia | Mulieres
