Ëmwelt

Vu Wikipedia, der fräier Enzyklopedie.

D'Ëmwelt vun engem Liewewiesen ass déi no oder déi méi wäit Umgebung, déi en direkten oder indirekten Afloss op dëst Liewewiesen a seng Liewensbedingungen ausübt. Am Bezug op de Mënsch ënnerscheet een ënnert anerem:

d'sozial Ëmwelt,
déi kulturell Ëmwelt an
déi natierlech Ëmwelt.

Inhaltsverzeechnis

1 Sozial a kulturell Ëmwelt
2 Natierlich Ëmwelt
3 Ëmwelt am ökologesche Sënn
4 Linken
- 4.1 Kuckt och
- 4.2 Um Spaweck

[Änneren] Sozial a kulturell Ëmwelt

Déi sozial a kulturell Ëmwelt vun engem Individuum besteet engersäits aus de Mënschen, mat deenen et onmëttelbar a Bezéiunge steet, an anersäits och aus dem méi wäite kulturellen Ëmfeld, dat Aflëss ausübt. Dozou gehéiere beispillsweis dee politeschen a wirtschaftleche System, an deem et dran ass asw.

Stëchwierder: Famill, soziale Milieu, sozial Schicht, Sozialisatioun, Kultur

[Änneren] Natierlich Ëmwelt

D'Ëmwelt ass e Netzwierk vu Lokalitéiten, dat e grousse Komplex vu kierperlechen, emotionalen, intellektuellen a spirituellen Interaktiounen ënnerstëtzt. D'Land ass lieweg an ugefëllt mat Energie. Alles, wat mer erliewen, ass e Spektrum vun der Vitalitéit.

Am méi wäite Sënn ass Ëmwelt alles, wat et tëscht der Atmosphär (munnescher schléissen och Himmelskierper an) an der ieweschter Äerdkuuscht gëtt. Am méi enke Sënn bezitt sech d'Ëmwelt virun allem op d'Natur an d'Wiesselbezéiungen tëschent Economie, Technik an Naturwëssenschaften. Et ass an dësem Sënn wou de Begrëff Ëmwelt am Sproochgebrauch vun Ëmweltschützer an an der Politik zënter de 70er Joren opdaucht.

Et gesäit een dee Begrëff dofir virun allem am Zesammenhang mat Ëmweltschutz, Ëmweltverschmotzung an Ëmwelt-Gipfel - obwuel Ëmwelt am méi wäite Sënn (cf. uewen) ongeféier 20 bis 50 mol esouvill Fachgebidder ëmfassst. Contrairement zum einfachen Naturbegrëff bezitt een hautesdaags och déi urban Ëmwelt mat an.

Domadder gi Gebidder wéi Verkéier, Bauwiesen, Geotechnik oder Waasserwirtschaft um Rand oder zentral mat abezunn, mee och Theme wéi Offallwirtschaft, Protectioun géint Kaméidi, Elektrosmog an änlech Problemfelder. Am klassesche Naturschutz goufe se bis elo kaum (oder nëmmen dem Numm no) behandelt.

[Änneren] Ëmwelt am ökologesche Sënn

Ëmwelt an der Ökologie bezeechent d'Gesamtheet vun allen Aflëss op d'Natur an d'Gesamtheet vun allen ökologische Faktoren, déi op eng Aart awierken. Dacks gëtt de Begrëff Ëmwelt an der Ëmgaangssprooch mat Natur gläichgesat.

[Änneren] Linken

[Änneren] Kuckt och

Grénge Punkt, Recycling, Kyoto-Protokoll, Ofgas, Ökologie, Ökosystem, Biotop, Habitat, Biozönos, Ökologesch Nisch, Ëmweltfaktor, Ëmweltzerstéirung, Ëmweltschutz, Ëmweltschutzorganisatioun, Ëmweltverschmotzung, Ëmweltbewosstsinn.