Gaston Barbanson
Vu Wikipedia, der fräier Enzyklopedie.
De Gaston Barbanson (* 26. Juni 1876 zu Bréissel ; † 4. Mee 1946 zu Lëtzebuerg), war e belsche Stolindustriellen a President vum Conseil d'Administration vun der ARBED.
[Änneren] Säi Liewen
De Gaston Barbanson staamt vu sengem Papp senger Säit aus enger aler Bréisseler Magistratefamill. Säi Grousspapp vu senger Mamm hirer Säit war de Victor Tesch, e belsche Politiker an Industriellen.
Hien huet zu Bréissel um Athenée Royale d'Ixelles studéiert wou hie säin Ofschloss am Alter vun 17 Joer (1895) gemaach huet. Duerno huet hien op der Universitéit vu Bréissel Philosophie an Droit studéiert an am Juli 1898 säin Diplom als docteur en droit kritt.
Hien huet sech als Stagiaire um Barreau vu Bréissel ageschriwwen, huet sech awer geschwënn fir eng Carrière an der Wirtschaft decidéiert.
No engem Stage vun engem Joer bei enger Bank zu Köln huet hien d'Leedung vun enger Bréisseler Firma iwwerholl, an deeër hien awer nëmmen 18 Méint bliwwen ass.
Duerno gouf hie Sekretär vun engem Comité fir d'Créatioun vun enger Zénkfabrik am Limbourg.
1903 gouf hien Direkter vun der Société des Ciments de Buda zu Haren, wou hie fir d'éischt Administrateur an duerno President gouf.
1905, am Alter vun 29 Joer, gouf de Barbanson Kommissär vun der Société des Hauts Fourneaux et Forges de Dudelange.
1911 huet hien zesumme mam Émile Mayrisch d'ARBED gegrënnt a war vun Ufank u Member vum Conseil d'Administration.
1919 gëtt hien President vun der ARBED a grënnt zesummen mam Eugène Schneider d'Société Métallurgique des Terres Rouges an d'Société Minière des Terres Rouges.
1921 get hien a Südamerika a grënnt Companhia Siderurgica Belgo-Mineira vun där hien och de President gëtt.
1935 ass hien zesummen mam brasilianische President bei der Pose vum Grondsteen vun der Usina Barbanson zu Monlevade derbäi.
[Änneren] Éierentitelen
Enneranerëm:
- Commandeur de l'Ordre de Léopold
- Commandeur de l'Ordre de la Couronne
- Grand-Officier de l'Ordre d'Adolphe de Nassau
- Commandeur de l'Ordre de la Couronne de Chène
- Commandeur de la Légion d'Honneur
