Johny Lahure
Vu Wikipedia, der fräier Enzyklopedie.
De Johny Lahure, gebuer de 24. Mäerz 1942 zu Nidderkuer, gestuerwen den 23. November 2003, war e lëtzebuergeschen LSAP - Politiker.
Vun 1962 bis 1982 war hie Gewerkschaftssekretär vum LAV (zënter 1979 OGB-L).
1974 ass hie Member vum Staatsrot ginn an ass dat zéng Joer laang bliwwen. Hie war deen éischte Gewerkschaftsfonktionnär deen an déi Héich Kierperschaft komm ass.
Vu 1976 bis 1977 wor de Johny Lahure Gemengerot zu Beetebuerg.
1984 gouf hie Staatssekretär fir Wirtschaft an der Regierung Santer-Poos I. 1988 gouf hien zousätzlech zoustänneg fir Gesondheet. 1989 gouf hien an der Santer-Poos II-Regierung Gesondheetsminister, Minister fir Sozialversécherung a Sport- a Jugendminister. An der drëtter Santer-Poos-Regierung, 1994, a vun 1995 un an der Regierung Juncker-Poos, war hie Minister fir Gesondheet an Ëmwelt. Am Februar 1998 huet hien demissionéiert, fir d'politesch Verantwortung fir déi sou genannten Dysfonctionnementer am Gesondheetswiesen z'iwwerhuelen.
Vun 1999 bis 2000 war hie Commissaire général fir de Lëtzebuerger Pavillon op der Weltausstellung "Expo 2000" zu Hannover.
