Letzeburger Legio'n
Vu Wikipedia, der fräier Enzyklopedie.
 |
Dësen Artikel zum Zweete Weltkrich ass eréischt just eng Skizz. Wann der méi iwwer dëst Thema wësst, sidd der häerzlech invitéiert aus dëse puer Sätz e richtegen Artikel ze schreiwen. Wann dir Hëllef braucht beim Schreiwen, da luusst bis an d'FAQ eran. |
D'Letzeburger Legio'n war eng lëtzebuergesch Resistenzlerorganisatioun, déi am Zweete Weltkrich (September 1940) vum Aloyse Raths zu Biissen gegrënnt gouf. Hien huet Statuten ausgeschafft an ass am Oktober 1940 zu Biissen mat enger Rei vu Bekannten zesummekom, déi sech bereet erklärt hunn, beizetrieden an déi och direkt assermentéiert goufen. Opgrond vun enger Etude vum Serge Hoffmann huet de neigegrënnte Mouvement iwwerall am Land recrutéiert an du huet sech déi folgend regional Reparttioun erginn:
Inhaltsverzeechnis |
[Änneren] Participatioun un der L.L no Kantonen
| Kanton Dikrech | 28,5% |
| Kanton Lëtzebuerg | 20 % |
| Kanton Miersch | 11,5% |
| Kanton Gréiwemaacher | 8,5% |
| Kanton Klierf | 8,5% |
| Kanton Esch-Uelzecht | 6 % |
| Kanton Iechternach | 5,8% |
| Kanton Réiden | 5,6% |
| Kanton Wooltz | 5,6% |
[Änneren] Kennzeechen
- No der Usiicht vu sengem Grënner sollten all Memberen "kämpfersch" aktiv sinn
- Am Mouvement gouf et eng ausgeprägten Hierarchie
- Aus Sëcherheetsgrënn si Viirsichtsmoossnahmen geholl ginn, fir d'Identitéit vum Chef (Aloyse Raths) geheim ze halen
- De Mouvement hat och e politesche Programm (konservativ ausgeriicht), mat feste Meenungen iwwert d'politesch Organisatioun vum Land no der Liberatioun.
[Änneren] Aktivitéiten
Den L.L. huet ugefang, Biller vun der Groussherzogin Charlotte, dem politeschen Symbol vun der lëtzebuegescher Resistenz, ze verdeelen. Wéi dunn, 1941, de Reichsarbeitsdienst agefouert gouf, ass et drëm gang, déi éischt Refractairen an och franséich politesch Prisonnéier, déi aus dem Lager Niedersgegen geflücht waren, ze verstoppen.
D'L.L war sech bewosst, dat de Kampf géint d'Naziën nëmmen op enger breeder Basis Erfolleg kënnt hunn. Duerfir sinn am Dezember 1940 Kontakter mat der L.P.L., Lëtzeburger Patriote Liga (Raymond Petit) am Hibléck op en Zesummeschloss opgeholl ginn. Si hate leider keen Erfollech. Dunn huet d'L.L. sech mat der Resistenzorganisatioun L.S. (Letzeburger Scouten) zesummegedo , fir uschléssend an der L.V.L. (Letzeburger Volleks Legio'n), mat der L.S. ze fusionnéieren. Dobäi waren déi zwou Organisatiounen allerdengs bestrieft, fir en equilibréiert Matsprocherecht oprichtzeerhalen. Dat huet nët ëmmer funktionnéiert, wéi et geduecht war. Kuck bei der L.V.L. (Letzeburger Volleks Legio'n).
[Änneren] Literatur
- Hoffmann, Serge: Le mouvement de résistance LVL au Luxembourg, Archives nationales, 2004, 158 S.
- Muller, Carlo: Luxemburg im 2. Weltkrieg, Geschichte für die Primärschule, (um Internet: Referenz um Spaweck), Luxemburg, 1997
[Änneren] Linken
[Änneren] Kuckt och
- L.V.L. (Letzeburger Volleks Legio'n)
