Protogeschicht

Vu Wikipedia, der fräier Enzyklopedie.

D'Period vun der Protogeschicht läit tëscht der Virgeschicht an der eigentlecher Geschicht. Dëst ass d'Period wou eng Zivilisatioun nach keng eege Schrëft huet, awer an de Schrëfte vun anere Kulturen opdaucht. Dowéinst ginn an Europa d'Kelten an d'Germanen als protogeschichtlech ugesi vun deem Moment u wou d'Griichen an d'Réimer iwwert se schreiwen.

[Änneren] Chronologie

D'genee Grenzen tëscht Protogeschicht, Virgeschicht a Geschicht sinn net esou einfach ze définéieren, well se vu Kultur zu Kultur, vu Regioun zu Regioun extrem ënnerschiddlech sinn. Fir ze vereinfachen, kann een d'Protogeschicht mat de Metallzäitaltere gläichsetzen:

• Kofferzäit (gëtt allerdéngs diskutéiert)
• Bronzezäit
• Eisenzäit

[Änneren] Zivilisatiounen

D'Zivilisatiounen oder ethnesch Kommunautéiten déi eis am meeschte bekannt sinn, sinn d'europäesch "Barbaren":

• Kelten
• Gallier
• Germanen
• Helvetier
• Parther
• Skythen