De Haej
Van Wikipedia
- Dit artikel is gesjreve in 't Mestreechs. Ómdat 't plaatsgebónje is, maogs doe 't ómzètte nao 't Venrods, as te dit dialek sjpriks.
De Haej (Nederlands Heide) is e klei dörp in de Nederlands-Limburgse gemeinte Venroj, te zuidweste vaan de plaots Venroj in de riechting vaan IJselstein, mèt op 1 januari 2006 481 inwoeners op 530 hectaar. De Haej ligk op kleinen aofstaand vaan Veltem, allewijl 'n wiek vaan Venroj.
De Haej weurt veur 't iers geneump in de zestiende iew, es gehöch wat oet veurnaomelik sjaopsboerderije bestoont. Volges 'n aw legende waore dao planne um 'n kèrk of kapèl te bouwe, meh woort 't materiaol door de inwoeners vaan Veltem gestole, die dao vervolges hun eige kapèl mèt gónge bouwe. Door de aofwezegheid vaan 'n kèrk en 'ne clerus floreerde de kèrmes, die väöl bezeukers oet de umgeving trok. Pas in de twintegste iew greujde De Haej oet tot e dörp, mèt de bouw vaan 'n sjaol in de jaore twinteg en de stiechting vaan 'n parochie zjus nao d'n oorlog. 't Doorde nog tot 1965 ietot de kèrk veerdeg kaom.
