Hub van der Maar
Van Wikipedia
Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.
Hub van der Maar (gebore in Sjin op Geul op 4 mei 1907 es Johannes Mathias Hubertus Delahaye - gesjtorve Douvenrade (Heerle), 11 juli 1992) ies 'ne Limburgstalige sjriever oet Termaar bie Klumme in Zuud-Limburg. Hub van der Maar ies de sjoelnaam vanwege zien woonplaats. Hae sjreef in 't dialek van Termaar en waor verzamelaer van dialekweurd.
Hae wèrkde es mienbeambte aan de Oranje Nassaumien in Heerle.
Zien zustersj Net Frederix-Delahaye en Maria Hoen-Delahaye sjreve ouch in 't Termaars. Huub waor de oudste oet 'n gezin van 15 kinger. Albert Delahaye (archivaris en historicus) waor ein van de 8 breursj.
[bewirk] publicaties
- Sjtökskes euver dialek in Het land van Valkenburg (weekblaad 't Gezètsje) en in kwartaalmagazine Geulrand.
- 1972 't book in 't dialek van Termaar: De reuze van Weusterich
- Diverse dialekverhaole in Geulrand.
- 1976 in de Bloomlezing van Veldeke-Limburg 'Mosalect'.
- 1992 in de Bloomlezing Rierank van Veldeke-Valkeberg
- 1993 in de Bloomlezing Veldeke-Literair nr. 2
[bewirk] sjtäölke
"Aan d'r veersjprunk sjteit nog ummer 't hoes, woeë vieër mieë es fieftig jaor in- en oetgegange zint. Mit dat in- en oetgao is neet 't verdene van d'r Porsjónkele-aaflaot gemèngd; dat noeëmte vieër ouch zoeë. En toch is 't hoes krek zoeë'n hèlligdóm wie de kirk, zoeë gaar nóg mieë vertroewd en eige. De kirk sjteit jao vuur alle luuj aope; oos hoes waor van ós allein."
oet: Oos hoes, oos heim, Rierank 1992
