Ingber
Van Wikipedia
- Dit artikel is gesjreve in 't Valkebergs. Ómdat 't plaatsgebónje is, maogs doe 't ómzètte nao 't Gulpersj, as te dit dialek sjpriks.
Ingber ies 'n buurtsjap van Gulpe in de gemeinte Gulpe-Wittem. 't Ies gesitueerd bove en aan eine holle waeg, de Ingbergrach geneump, die bergaaf oetkump in Gulpe. De naam Ingber kump van Ingberg. De buurtsjap De Hut ies wir 'n ónderdeil van Ingber. Same höbbe ze óngevaer 200 inweunersj. In vreuger jaore loog hie 't riddergood Hoenberg, (Hommerig).
[bewirk] Bezeenswaerdig
- De kapel van Sleve vrouw van Fatima, oet 1949, ies geboewd oet dankbaarheid dat inweunersj gesjpaard zin gebleve van 't oorlogsgeweld. 't Klökske loewt ederen daag um 12 oer 't Angelus.
- Aan 'n hoesmoer op 'n sjplietsing hingk 'n houte kruus mèt beeld.
- Väöl vakwerkhäöf en hoezer en diverse boerderieje mèt sjpeklaoge liegke langs de krönkelige holle waeg.
[bewirk] Aad de Haas
In 't lètste oorlogsjaor, 1944, zoot hie kunssjilder Aad de Haas oet Rotterdam ónderdergedoke in 'n piepklein, oud vakwerkhuuske. Aad de Haas ies veural bekènd um zien, aanvankelik umsjtreje, kruusweegsjtasies in de kèrk van Wahlwiller. Naoderhand vóng de sjilder 'n ónderkómme in kesjtièl Sjtriethage in Sjaasberg-Landgraaf.
[bewirk] Evenement
De buurtvereiniging van Ingber en De Hut organisere same mèt RKIVV de voetbalclub, 'n weiefiès aan de Wienwaeg (eind juni).
|
|
 |
|---|---|
| Dörper: Ees | Gulpe | Ieëpe | Mechele | Nieswiller | Partei | Rimmesjtók | Sjlennich | Wielder | Wilder | Wittem | |
| Buurtsjappe en gehuchte: Aoverees | Berghäöf | Berghem | Betsehaove | Billinghoeze | Bisse | Böätenake | Bómmerig | Brook | Dal | De Hut | Dringsele | Eëtenake | Elkerao | Elzet | Euvergäöl | Ezerhei | Heieret | Helle | Hilleshage | Höfke | Hurpesj | De Ieëperhei | Ingber | Kapolder | Kertiels | Kleeberg | Kling-Kulle | Kling-Kuttinge | Kosberg | Krapoel | Kuttinge | Landserao | Öäverem | Peëzeke | D'r Piepert | Plaat | Sinselbaach | Sjilberg | Sjweeberig | Sjtókkem | Tippelder | Terpaote | Terziet | Waterop | |
