Leiderdorp
Van Wikipedia
Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.
Leiderdorp is 'n plaots en gemeinte in de Nederlandse provincie Zuid-Holland, oestelik vaan Leie, daovaan gesjeie door de reveer de Zijl, mèt op 1 januari 2006 26.017 inwoeners en 'n oppervlak vaan 12,29 km2 (daovaan 0,56 km2 water). In de gemeinte ligke gein ander kerne.
Bezeensweerdeg is 't zoegenaomp Oude Dorp, 'n nuibouwwiek oet begin twintegste iew mèt oonder mier oontwerpe vaan Willem Dudok en J.J.P. Oud.
[bewirk] Historie
In de Roemeinsen tied laog bij 't modern Leiderdorp e castellum ('n legerplaots). De modern neerzètting Leiderdorp stamp waorsjijnlik oet de vreug Middeliewe; arsjeologisch werk heet aongetuind tot in deen tied al primitief dieke woorte aongelag die 't gebeed tege euverstruiminge besjèrmde. Leiderdorp oontleint ziene naom aon de term leithon, wat in 't allerajds Holland eder vaan de drei distrikte waor die 't graofsjap had. De modern stad Leie bestoont nog neet; die oontwikkelde ziech later pas um de plaotselike börch. Wie 't huieg Leie groeter woort es de aw plaots Leithon mós de leste ziech es oondersjeid Leiderdorp goon neume.
In de Middeliewe woorte roond Leiderdorp väöl kestiele gebojd. De vesteging vaan 'n Augustijnekloester waor hiel belangriek veur de oontwikkeling vaan 't dörp. Intösse annexeerde 't greujend Leie ummer mie land vaan 't ambach Leiderdorp. Mèt d'n Opstaand vaan tijens d'n Tachetegjäöregen Oorlog woort 't kloester oontboonde en 't gebouw aofgegeve aon jónker Arent van Dorp. Tijens 't Belag vaan Leie (1574) hoolt 't Spaons bevel zien domicilie in Leiderdorp, totdat de polders um de stad door de Geuze oonder water woorte gezat. In 1597 kraog Leie 't rech 't ambachsbestuur vaan Leiderdorp te beneume, wat 't ambach feitelik bezit vaan de stad maakde. Dees situatie doorde tot de Fransen tied. In de twintegste iew greujde Leiderdorp oet tot veurstad vaan Leie.
[bewirk] Gebore in Leiderdorp
- Carice van Houten, actrice
- Taeke Taekema, hockeyer
- Martin Verkerk, tennisser
