Marianum
Van Wikipedia
Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.
'n Marianum ies 'n dubbelbeeld van de heilige Maria, umgeve door 'ne sjtraolekrans. Sóms zint in de krans roaze verwèrk. In de tied tösje 1450 en 1550 weure dit soort beelde gemaak um deens te doon es verfraaiing van Katholieke kèrke in Nederland, Belsj en Duutsjland. Umdat ze van twiè kent te bekieke zint, kènne ze vrie hange, sjuus wie dat ouch mèt groate triomfkruzer 't geval ies. De Limburgse beeldsjniejer Jan van Steffeswert (16e ièw) maakde 'n Marianum veur de domkèrk van Aoke. In de kèrk van Zoutleeuw in Vlaams-Brabant hingk 'n exemplaar umgeve mèt 'ne groate roazekrans en ingele. In Limburg zint veurbeelde te zeen in Valkeberg, Venroj, Haors en Toear.
