Meizäödsje (Convallaria)
Van Wikipedia
Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.
Meizäödsje ies de volksnaam veur 't lelietje-der-dalen, Convallaria majalis oet de Leliefamilie. 't Ies ein van de 3 soorte van ’t gesjlach Convallaria dat in ’t Latien deep dal beteikent. 't Plentsje dat 20 cm hoag weurt kump in Nederland en Belsj in de bosje in ’t wild veur. Via ’ne wortelsjtek breidt ’t ziech oet. Allewiel ouch es tuinplant gekweek.
De plant haet meistal twiè ziettende elliptische blaar woa-oet ‘ne kale sjtengel greujt. Aan de tuup, nao ein zie gekièrd en hangend, versjiene in april-mei klokvörmige wiette bleumkes, die heerlek geure. De soort bevat hartglycoside, veural de roa besse. ’t Meizäödsje ies dus ’n vergieftige plant.
In ander Limburgse dialekte sjteit de naam Meizäödsje sóms veur 'n ander plant bv. 't Madeliefje.
