Ubbergen

Van Wikipedia

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.

Liegking van Ubbergen in de provincie Gelderland

Ubbergen ies 'n plaats en gemeinte in de Nederlandse provincie Gelderland. De gemeinte haet 9404 inweunersj (peildatum 1 januari 2006) op 'n oppervlak van 38,81 km² (daovan 2,71 km² water). Behalve 't dörp Ubbergen haet de gemeinte de kerne Beek (gemeintehoes), Berg en Dal (gedeiltelik), Erlecom, Groenlanden, Kekerdom, Leuth, Ooij, Persingen, Tiengeboden, en Wercheren. Ubbergen liek op de zuudoever van de Waal, ten oaste van Nijmege en aan de grens mèt Duutsjland.

[bewirk] Liegking en bezeenswaerdighede

Landsjappelik gezeen ies de gemeinte te verdeile in e heuvelechtig gebeed en, in 't noorde, e poldergebeed aan de Waal, woa-ónder de Ooijpolder. Hoag liegke de dörper Beek, Ubbergen en Berg en Dal en de buurtsjap Smorenburg, lièg liegke Ooij mèt de buurtsjappe Groenlanden en Wercheren, Erlecom, Leuth, Persingen, Tiengeboden en Kekerdom.

In Ubbergen liegke (sjuus wie in Beek en in Berg en Dal) 'n groat aantal monumentaal villa's. Sómmige van die landhoezer liegke op de heuvel en kieke oet euver de polder. 'n Opvallend veurbeeld in Ubbergen ies de villa Waalheuvel oet 1925. 't Wiet protestants kèrkske van Ubbergen dateert oet de 15e ièw en ies neet miè es kèrk in gebruuk. 't Veurmalig Frans pensionaat ies 'n neogotisch kloaster bie de Villa ter Meer oet 1800 (allewiel in gebruuk es woon-wèrkpand De Refter). Tösje 1822 en 1929 woort in Ubbergen tol geheve um de besjtraoting van de zandweeg van Nijmege nao Cranenburg te betale; 't tolhuuske sjteit nog ummer.