Zieland
Van Wikipedia
Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.
|
||
| Hoofstad | Middelburg | |
| CvdK | Wim van Gelder | |
| Oppervlak - totaal - % Water |
8e 2684 km² 38% |
|
| Inwoeners - totaal(2004) - Diechheid |
11e 379.028 212/km² |
|
| Volksleed | Zeeuws volkslied | |
Zieland (officieel (Nederlands) Zeeland, Zieuws Zeêland) is 'n provincie in 't zuidweste vaan Nederland. Ze besteit oet 'n aontal (geweze) eilen en e gebeed dat grèns aon 't Bèlsj bekind es Zeeuwsch-Vlaanderen. Aon de väöl zie-erm die me op de kaart vaan Zieland zuut dank de provincie häöre naom. De veurnaomste inkoumesbronne zien landbouw, visserie en toerisme. Väöl toeriste koume oet Duutsland.
Inhawd |
[bewirk] Indeiling
[bewirk] in streike
Zieland weurt veural es 'n verzameling veurmalege eilen gezeen; 'ne Zieuw oontleent zien eigeheid dèks aon 't eiland boe heer vaandaon kump. De streike zien:
- Schouwen-Duiveland
- Noord-Beveland
- Tholen
- Walchere
- Zuid-Beveland
- Ziews-Vlaondere, verdeild in 't
- Land van Cadzand
- Land van Axel
- Land van Hulst
[bewirk] in gemeintes
Sins 2003 kint Zieland nog mer 13 gemeintes.
[bewirk] Infrastructuur
Door de gaanse provincie ligke mer twei otosnelweeg, boevaan eine, d'n A 256, mer e paor kilometer laank is. D'n aandere, d'n A 58, löp vaan de grèns mèt Noord-Braobant bij Rilland tot aon Vlissingen. In de res vaan de provincie weure N-weeg gebroek. Ouch kint de provincie mer eine spoorweeg, dee oongevier aon d'n A 58 parallel löp en nege staties heet.
Tot 1953 (zuug oonder bij "Historie") waore de meiste eilen meh per boot te bereike. 't Deltaplan, dat behave diekverzwering ouch 't bouwe vaan aofsloetende damme inhoolt, sjöpde e systeem vaan verbindinge tösse de tot daan geïsoleerde deile vaan de provincie. Bekind is de Zielandbrögk, dee korten tied de langste brögk vaan de wereld waor en jaorelaank de langste vaan Europa. In 2003 woort de Westersjeldetunnel ge-eupend, dee Zuid-Beveland mèt Zeeuwsch-Vlaanderen verbint.
[bewirk] Taol
't Platteland vaan Zieland kint e levendege streiktaol, bekind es Zieuws. Eder dörp, of zeker eder eiland, heet zien eige dialek, meh de dialekte vaan bove de Westersjelde zien good oonderein te verstoon. Roond Hulst weurt gei Zieuws, meh 'n Oosvlaoms dialek gespoke. 'n Aanvraog um de Zeeuwse dialecte och es Sjtrieëktaal erkind te kriege binne 't Europees Handvest, dat och 't Limburgs erkind, is oonlangs aafgewaeze nao 'n negatief advies van de Nederlands/Vlaamse Taalunie.
[bewirk] Historie
Zieland woort in de Roemeinsen tied bewoend door Kelte. Bekind is de plaotselike gaodin Nehalennia, die door de Roemeine dao ouch verierd woort. In deen tied waor 't gebeed nog neet zoe geaffecteerd mèt waoter wie laoter 't geval woort.
In de Middelieuwe behoort 't gebeed iers bij Vlaandere. 't Eilaand Walchere gebruukde de graof veural es veurpos um de handel op Brögke veileg te stèlle en Antwerpe (en daomèt Braobant) dwers te zitte. Laoter in de Middelieuwe kaom 't meiste vaan 't gebeed, naomelik alles te noorde vaan de Westersjelde, in 't bezit vaan de graof vaan Holland.
Wie de Rippebliek der Zeve Vereinegde Nederlen de aw geweste in eine staot vereinegde woort Zieland vaan Holland losgemaak. In de zeventiende ieuw bleujt Zieland same mèt Holland wie noets teveure. 't Weurt hendeg belaangriek in de handel en de oorlogsveuring. In de achtiende en negentiende ieuw raak 't gebeed in verval.
In 1953 gebäört de groetste natuurramp in Nederland in de twintegste ieuw. Veural Schouwen-Duiveland en 't Zuid-Hollandse Goeree-Overflakkee raoke euverstruimp bij 'ne zwoere störm. 1835 minse sterve en väöl mie raoke häör hoes kwiet. De internationaal hölp kump snel op geng.
[bewirk] Externe link
| Provincies van Nederlandj |
|---|
| Drente | Euverijssel | Flevolandj | Frieslandj | Gelderlandj | Greuninge | Limburg | Noord-Braobantj | Noord-Hollandj | Utrei | Zielandj | Zuud-Hollandj |
