Portal Diskussion:Alemannisch
Us der alemannische Wikipedia, der freie Dialäkt-Enzyklopedy
Sali al-Quamar, mit däne zwei Portäler hesch der e Heidearbet gmacht, Brafo un Dankschen! Mit fallt im Momänt nyt Großes uf, was z gritisiäre wär. Gleini Sache wäre villicht uffalle, wämmer mit däm Portal schafft. Villicht sott mer des Schiiredoor bal uf dr Houpsyte vergleiche - ass mers ka nutze un ass sich villicht meh Lit an dr Diskussion beteilige.
Zum Portal Alemannisch: Mir het d Farbgstaltig uf em Potal Alemanne besser gfalle - e dezenti Hintergrundfarb find i besser wiä diä Rämme. Aber des isch Gschmacksach.
I mecht nomol an mi Vorschlag erinnere, as Portalsymbol sonigi üs em alemannische Raum z nämme, ich han am 18. 8. e baar nuf glade Spezial:Dateien - villicht hesch in dr Zwischezit aü eigini Ufnahme gmacht. --Albärt 21:42, 21. Sep. 2007 (CEST)
- Hoi Albärt. Merci för Dini Aaregig und för Dini Fötteli. I de Endversion hani denkt, dass de obersti Abschnitt mit dem Bild vomene Tor, gär nöd inechunnt. I ha da nume gmacht, demit mer vo Aafang gsiet, ases en persönliche Vorschlag vo mer isch. Me chöönt aber bim Titel durchuus no e Fötteli vomene Tor inetue. --al-Qamar 11:31, 26. Sep. 2007 (CEST)
- Also mir gfällt des Foti so, mer cha de Teggscht jo eifach durch ein ersetze wo s'Portalprojäkt allgemein bschrybt. Übrigens mümmer no en Portal-Namensruum beantrage, weiss öber wo? --Chlämens 15:09, 26. Sep. 2007 (CEST)
