Bikini-Atoll

Us der alemannische Wikipedia, der freie Dialäkt-Enzyklopedy

Bikini Atoll - NASA NLT Landsat 7 (Visible Color) Satellitte Bild

S Bikini-Atoll liegt im Pazifische Ozean. S ghert mit sine insgssomt 23 Insle zue de Marshallinsle. D Londmass vun alle zugherige Insle isch 6,01 km². D umschlosseni Lagun isch 594,14 km² gross. D grescht Insle sin Bikini, Eneu, Eninman un Nam.

Im Johr 2003 hen 167 Ywohner uf de Insle glebt. Alli ondri Urywohner sin uf diverse ondre Insle vum Marshall-Archipel verteilt.

[ändere] Gschicht

D Insle sin anno 1600 vun de Spanier beoschprucht worre un sin später on d Ditsche gonge, Wil s Atoll im trockenere Norde vum Marshall-Areal leit, sin d Urywohner numme sehr selte in Kontakt mit de Kolonialherre kumme. Doher isch bis hit de familiär un ethnisch Zommehalt vun de Bikinianer no sehr stark usgprägt.

D Insle sin 1825 duerch de Otto von Kotzebue wiederentdeckt worre un zu Ehre vun sinem Schiffsarzt Eschscholtz Eschscholtz-Insle gnennt worre. Sit 1886 sin d Insle unter ditschem Schutz gschtonde.

Ärsch wu d Japaner am Ofong vum 20. Jahrhunderts d Verwaltung ybernumme hen un Militäryrichtunge ufbout hen, isch de Kontakt enger gworre.

Wu d Marshallinsle 1944 im Pazifikkrieg vun de Amerikaner erobert worre sin, hen sich numme no finf Japaner uf einer vun de Bikini-Insle versteckt gha. Um nit in amerikanischi Gfongeschaft zue kumme, hen se sich imene kleine Erdloch versteckt un drno mitenre Granat in d Luft gschprengt.

[ändere] Kernwaffeteschts

Nochem End vum Zweyte Weltkrieg hen d Vereinte Natione bschlosse, des d Nutzung vun Gebiete vun de Marshall-Insle fyr d Sicherheitsbedürfniss vun de USA keinerlei Bschränkunge unterliege. So isch s Bikini-Atoll un s Eniwetok-Atoll vun de Amerikaner fyr Kernwaffeteschte usgsuecht worre. Während de Teschtserie vun yber 60 Atombombeversuech sin rund 42.000 amerikanischi Technikar, Wissenschaftlar un Militärs uf Bikini schtationiert gsi. D Urywohner sin uf d sydöschtlicheri Insel Rongerik umgsiedelt worre.

S Rongerik-Atoll isch aber vun de Versorgungssituation fyr die Bikinianer e absoluts Fiasko gsi. Nocheme Johr hen se on Unterernährung glitte un s negativ Echo in de Weltpress het d USA 1948 zue 'ra erneijt Umsiedlung vun de Bikinianer nooch Kwajalein zwunge. Dert hen s fyr e halbs Johr in Zelt direkt nebe de Gebäude vum Flughafen ghuust. Schlussendlich sin s uf de Insel Kili ogsiedelt worre, wo mit Hilf vun de amerikanischi SeaBees s Land bwohnbar gmacht worre isch un d Bikinianer ihri Hiitte bout hen.

Crossroads-Baker im Bikini-Atoll. Vorn links isch de Flugzeugträger USS Saratoga (CV-3) mit liechter Schlagsyte zsehne. De isch oschliessend gsunke.

[ändere] Ybersicht vun de wichtigschte Teschts

[ändere] Operation Crossroads

[ändere] Operation Castle

Währendem Castle-Bravo Testch isch s duerch falschi Wetterischätzunge vun de Militärmeteorologe zu 'ra Kontamination vun de Insle Rongelap un Rongerik duerch Fallout kumme. D Insle sin zue dem Zytpunkt bwohnt gsi. Au uf hoher See isch e japanischs Fischerboot, d Daigo Fukuryumaru ("Glicklicher Drache Nr. 5"), betroffe gsi, un e Bsatzungsmitglied on de Folge gschtorbe.

[ändere] Operation Redwing

Redwing-Dakota us de Luft fotografiert

Alli Bombenome sin au Nome vun amerikanischi Indianerschtämm.

[ändere] Operation Hardtack I

[ändere] Start vun Rakete

Zuer Untersuchung vun Fallouts isch 1956 bi 11°35' nerdlichi Breit un 165°20' eschtlichi Läng zahlriichi Raketen vun de Type Loki un Asp vum Bikini-Atoll us gschtartet [1].

[ändere] D witre Gschicht

Bikini-Atoll (ufgnumme usm Weltraum)

Nochdem am End vun de 1960er Johr s Bikini-Atoll wiedr fyr d Bikinianer freygegebe worre isch, sott mit m 8-Johresplan d Bsiedlungsmeglichkeit sichergschtellt werre. So het de radioaktiv Müll bseitigt werre miesse un d komplett Vegetation neij opflonzt un ufzoge werre miesse. Später sin Hitte un Hiesser bout worre, domit d Rickkehrer sofort e Dach yberm Kopf hen.

De Umzug het sich aber numme schleppend vollzoge, wil d Amerikaner immer me Mensche un Material vun de Marshallinsle abzoge hen. 1972 het e Yberwachungsteam e erhöhti Radioaktivität bi de in de Lagun lebendi Krabbe feschtgschtellt. Drey Johr später sin noch emol gnaueri Messunge durchgfyhrt worre. S Ergebnis vun derre isch gsi, des s Trinkwasser un d Fricht vun de Insel fyr de menschlich Gebrouch nit geignet gsi sin. Druf hen d Amerikaner mit Wasser- un Nahrungsmittellieferunge ogfonge. Trotz allem hen d Bikinianer aber Ende 1978 s Atoll wiedr verlasse miesse.

[ändere] Bikini hit

Om 5. März 2001 isch vum Nuclear Claims Tribunal bschlosse worre, des d USA on d Bikinianar e Gsomtsumme vun rund 1,1 Mrd. $ zahle minn. Des beinhaltet de Wertvoluscht vum Atoll, Schmerzensgeld un Wiederufbouhilf. Ob s Geld aber je zahlt wird, isch froglich, wiil de Bschluss niteme Grichtsurteil entschpreche tuet. Derzyt ruefe d Bikinianar immer widr de Petionsusschuss vum US-Kongress a.

Wenn s Bikini-Atoll aber wiedr bsiedelt werre ka, isch noch uklar. Abr d Insl sin nimmi Sperrgebiet. In de Lagun liege diä Schiff wo bi de Atomteschts gsunke sin d'USS Saratoga, USS Carlisle, USS Anderson, USS Lamson, USS Gilliam, USS Arkansas, USS Pilotfish, USS Apogon, HIJMS Nagato un HIJMS Sakawa. Diä sin als Ziil fyr Wracktaucher bliebt. De HIJMS Nagato isch s japanisch Flaggschiff bim Angriff uf Pearl Harbor gsi.

[ändere] Bikini-Badeanzug

Inschpiriert yber d Schlagzeile vun de Kernwaffeteschts uf dem Atoll het de Modedesigner un fryhere Autoingenieur Louis Réard sin neijes Badekostüm uf de Nôme Bikini tauft. Am 05. Juli 1946 het s Model Micheline Bernardini de knappe Zweyteiler zum erschte Mol im Pariser Schwimmbad Molitor vorgstellt. Wie dr Réard erwartet ghet het, het de freyzigig Badedress d glichi moralisch Entrüschtung vorbrocht, wiä d Atombombeversuech uf m Atoll

[ändere] Ekschterni Syte

• Homepage der Bikinianer (englisch)
• 50 Jahre H-Bombe: Reif für die Insel

Koordinate: 11° 36' N; 165° 24' O