Fair use
Us der alemannische Wikipedia, der freie Dialäkt-Enzyklopedy
 |
Dialäkt: Baseldütsch |
Fair Use isch im anglo-amerikanische Rächtssyschtem s Rächt Material z benutze wo gschützt isch dur s Urheberrächt (Copyright), ohni a Bewilligung vom Bsitzer vom Urheberrächt. Gwüssi Kriterie müesse erfüllt si: s benutzte Material macht nummen ä chliine Deil vom Gsamtwärk uus, es wird für uneigenützigi Zweck bruucht wie öffentligi Bildig. So darf mä zitiere uus em ä Wärk, Deil dr vo erwähne zum es z kritisiere oder z kommentiere, ä Parodi druff mache, aber mä darf kei Satire druus mache.
Ähnligi Beschtimmige wo s Rächt vom Urheber düen beschränke zem Wohl vo dr Allgemeinheit gits au im kontinentaleuropäische Urheberrächt.
