Flagge von Israel
Us der alemannische Wikipedia, der freie Dialäkt-Enzyklopedy
| Technische Yschränkung: Dr koräkt Titel wär: »Fahne vo Israel« |
 |
Dialäkt: Baseldütsch |
D Fahne vo Israel isch nach em ä Vorschlag vom David Wolffsohn vo de Zionischte 1897 am erschte Zionistische Kongress z Basel adoptiert worde und mit dr Unabhängigkeit vom Schtaat Israel 1948 die nationali Fahne worde. Si basiert uf em jüdische Gebätsschal wo blau-wiissi Schtreife het. Dr säggseggig Schtärn in dr Mitti isch dr sogenannt Schtärn vom David (Magen David uf Hebräisch) [1], ä Symbol wo mänggisch vo Juden und Antisemite brucht worden isch zem Jude z identifiziere.
D Handelsflagge isch dunkelblau und het a blaue Davidstern imen ä wiisse Oval in dr lingge Hälfti vo dr Flagge. D Flagge vo dr Chriegsmarine isch au blau und het a blaue Davidstern imen ä wiisse Dreiegg uf dr lingge Siite.
[ändere] Quelle
- ↑ David Bridger, The New Jewish Encyclopedia, Behrman House 1976, ISBN 0874411203 p.149 (Änglisch)
