Hammerfall
Us der alemannische Wikipedia, der freie Dialäkt-Enzyklopedy
| Hammerfall | |
|---|---|
 Masters of Rock (2007) |
|
| Gründig | 1993 |
| Genre | Power-, True Metal |
| Websiite | www.hammerfall.net |
| Gründigsmitglider | |
| Gsang | Mikael Stanne |
| Gitarre | Niklas Sundin |
| Gitarre | Oscar Dronjak |
| Schlagzüüg | Jesper Strömblad |
| Bass | Johan Larsson |
| Aktuelli Bsetzig | |
| Gesang | Joacim Cans (sit 1996) |
| Gitarre | Oscar Dronjak (sit 1993) |
| Gitarre | Stefan Elmgren (sit 1997) |
| Schlagzüüg | Anders Johansson (sit 1999) |
| Bass | Fredrik Larsson (1994 – 1997, sit 2007) |
| Ehemaligi Mitglider | |
| Gesang | Mikael Stanne (Gründig - 1996) |
| Gitarre | Niklas Sundin (Gründig - 1995) |
| Schlagzüüg | Jesper Strömblad (Gründig - 1997) |
| Bass | Johan Larsson (Gründig - 1994) |
| Gitarre | Glenn Ljungström (1995 - 1997) |
| Schlagzüüg | Patrik Räfling (1997 - 1999) |
| Bass | Magnus Rosén (1997 - 2007) |
Hammerfall isch en schwedischi Power-Metal Bänd. De Bändname chunt usem lied „Lucifers Hammer“ us de Ziile „The hammer will fall on you” vo de Band Warlord.
Inhaltsverzeichnis |
[ändere] Bandgschicht
Ursprünglich isch Hammerfall als es Projekt im Jaar 1993 vom Oskar Dronjak und em In-Flames-Gitarrischt Jesper Strömblad gründet worde. Im Jaar 1996 hed Hammerfall amene schwedische Bandwettbewerb namens Rockslaged teilgno und hed det den ide landeswiite Uusscheidig s Halbfinal erreicht. Wärend dem Wettbewerb händs de Sänger Mikael Stanne dur de Joacim Cans ersetzt.
No im gliche Jaar hends mitem holländische Label Vic Records ires Debüalbum Glory to the Brave uufgno und in Holland veröffentlicht. Afangs 1997 hends en Vertrag mitem dütsche Label Nuclear Blast abgschlosse und ires erste Album europawiit veröffentlicht. Glory to the Brave het in Europa en neue Heavy-Metal-Boom usglöst, nachdem ide 90ger Jaar de Heavy Metal vo villne als "tot" erchlärt worde isch.
Hammerfall isch de Newcommer vom Jaar 1997 im Metal Berich gsi. Sie hend sehr gueti Kritike übercho, iri CD isch hunderttusigfach verchauft worde und isch sogar i di dütsche Charts inecho. Im gliche Jaar isch Hammerfall no dur Europa tourt und isch unteranderem am Wacken Open Air ufträte.
Im Jaar 1998 hends ires zweite Studioalbum Legacy of Kings usebracht. Sie sind mehrfach für de Swedisch Grammy Award nominiert worde, aber si henden nie chönne gwüne. Mitem dritte Album Renegade usem Jaar 2000 hends widerum sehr grosse Erfolg gha, si hend sogar ide schwedische Albächarts bis ad Spitze gschafft.
Ihres vierte Album Crimson Thunder hends im Jaar 2002 veröfentlicht. >Für das Album isch Hammerfall amene Konzert sogar mit ere goldige Schallplatte uuszeichnet worde. Das Konzert isch ufgno worde und met One Crimson Night als Livealbum und DVD veröffentlicht
Mitti 2003 het Hammerfall wegeme schwere Töffumfall vom Oscar Dronjak alli Aktivitäte bis Afang 2004 müesse unterbräche. I dere Zit het de Joacim Cans sis Soloalbum ufgno. Es isch am 19. April 2004 unter em Name Beyond the Gateserschine.
Afang 2005 isch s foifte Studioalbum unter em Name Chapter V - Unbent, Unbowed, Unbroken erschine. Für di Olympische Winterspiil in Turin hends mit de schwedisch Dame-Curling-Manschaft es Video zum Lied Heats on Fire ufgno.
Am 18. Oktober 2006 isch s Album Threshold erschine, welem d Single Natural High vorus gange isch.
De Bassischt Magnus Rosén hät am 6. März 2007 d Band verlah, will er sich stärker uf sini Näbeprojekt het wele konzentriere. Sin Nachfolger isch de Fredrik Larsson wele bereits 1994 bis 1997 bi Hammerfall Bassischt gsi isch.
Am 12. Oktober 2007 isch s Best-of-Album Steel Meets Steel - Ten Years of Glory erschine.
[ändere] Stil
De Stil vo Hammerfall isch vom Heavy Metal us de 80er Jaar beiflusst worde. Am meischte erkennbar isch de Iifluss vo Helloween. Es git au setigi wo Parallelene zu Judas Priest, Europe, und Accept gsend. Hammerfall het au einigi Stück vo Helloween, Dio und Twisted Sister für Tributealbää covered und uufgnoh. De hütigi Stil vo Hammerfall zeichnet sich vorallem dur iigehendi Melodie und klassischi Harmonie us. De höchi und klari Gsang vom Oscar Dronjak isch debi typisch für Power Metal.
D Text orientierded sich uf de erste foif Albää vor allem am True Metal. Hammerfall het mermals d Produzänte gwächslet.
D Band titt ide für Power Metal typische Bechleidig uf, weli vo schwarzem Läder und Metal dominiert isch.
[ändere] Diskografi
[ändere] Studioalbää
- 1997: Glory to the Brave
- 1998: Legacy of Kings
- 2000: Renegade
- 2002: Crimson Thunder
- 2005: Chapter V: Unbent, Unbowed, Unbroken
- 2006: Threshold (Album)|Threshold
[ändere] Livealbää, Kompilationä & Box Sets
- 2003: One Crimson Night (Live)
- 2007: Steel Meets Steel - Ten Years Of Glory
[ändere] Singles & EPs
- 1997: Glory To The Brave
- 1998: Heeding The Call
- 1999: I Want Out (mit Kai Hansen)
- 2000: Renegade
- 2000: Always Will Be
- 2002: Hearts On Fire
- 2005: Blood Bound
- 2006: Natural High
[ändere] Videos & DVDs
- 1999: The First Crusade (VHS, DVD)
- 2002: The Templar Renegade Crusade (VHS, DVD)
- 2002: Hearts On Fire (DVD)
- 2003: One Crimson Night (DVD)
