Kelleramt

Us der alemannische Wikipedia, der freie Dialäkt-Enzyklopedy

[ändere] Geographischs

S'Chälleramt (uf Hochdütsch: Kelleramt) esch en Täil vom Freiamt im Kanton Aargau ond liit im öschtliche Teil vom Bezirk Brämgarte. Es beschtat us de (katholische) Pfarreie Lunkhofe und Jone, da häisst us de politische Gmeinde Arni, Oberlunkhofe, Unterlunkhofe, Rotteschwil, Islisberg und Jone. Au Oberwil-Lieli ghöhrt no zum Chälleramt.

[ändere] Wappe

S'Wappe vom Chälleramt esch en wisse Schlüssel uf rotem Grund.

[ändere] Gschicht

S'Chälleramt wird sch sit langem bewohnt, da bewiist unter anderem d'"Römer-Villa" wo mer ir nöchi vom Litzi (dasch en Wiiler vo Jone) gfunde het. Au die hütige Dörfer vom Chälleramt gits alli scho sit öppe tusig Jahr. Wo dr Aargau vo dä-n-Eidgenosse eroberet worde-n-esch, esch ds'Chälleramt zu Züri cho. Ersch underem Napoléon esch es dänn em Aargau zuetäilt worde. Während de Reformationsziit esch ds'Chälleramt unter em Iifluss vom "Bulliger-Brämgarte" zum reformierte Glaube übereträte, nach em Chappler-Chrieg esch s aber wider zum katholische Glaube zrugkehrt. Bi disem Glaube eschs au bis hüt blibe. Wäge de Neuzuezüger gits hüt aber immer meh Reformierti im Chälleramt. Dises liit hüt au ir Aglomerazion vo Züri, en rächte Teil vor Befölcherig beschtat au us Pändler.