Lützelau
Us der alemannische Wikipedia, der freie Dialäkt-Enzyklopedy
| Insle Lützelau | |
|---|---|
 Insle Lützelau (vorne) |
|
| Kännzahle | |
| Flächi: | 3.38 Hektaren |
| Mittleri Längi: | 440 m (Ost-West) |
| Mittleri Breiti: | 190 m (Nord-Süd) |
| Laag: | 702000 / 230500 (Schwiizer Landeskoordinate) |
| Dischtanze: | Rapperschwiil: 1.8 km Pfäffikon SZ: 2.0 km |
| Bsunderheite: | Campingplatz mit Füürschtell im Summer Teilwiis under Naturschutz |
 |
Dialäkt: Züridütsch (See) |
D Lützelau (althochdüütsch: Luzilunauia (821) "chliini Insle"; 1667: Lützelauw) isch di chliineri vo de beide Züriseeinsle Ufnau und Lützelau. Sie liit uf Freiebacher Gebiet im Bezirk Höfe vom Kanton Schwyz, nöch bi dr Halbinsel Hurde. D Insle isch vor rund 10'000 Jahr vom Linthgletscher gschaffe worde. D Insle selber und ihri Uferzone und Schilfgürtel schtönd under Naturschutz.
Vom Mai bis Endi September chann uf dr Insle in beschtimmtem Rahme campiert werde. Es git es Chaltwasserwöschbecki bim Inselhuus. Zuesätzlich chann gege Gebühr au e Warmwasserduschi gnutzt werde. D Insle wird dur 2 Inselwart underhalte, wo im Uuftrag vom Verchehrsverein Rapperschwiil-Jona schaffed. Es exischtiert dezue es Inseltaxi uf em Wasser, wo d Gäscht zwüsched Mai und Endi September mit eme Boot namens Taucherli vo Rapperschwiil zur Lützelau und zrugg bringt.
Im Winter sind kei Mensche uf dr Insle.
Im Umfeld vo dr Insle sind i de letschte Jahr bi Undersuechige vo Underwasser-Archäologe verschideni Hiiwiis uf früehziitlichi Bevölkerig au uf dr Insle zum Voorschii cho und im Jahr 2004 binere Uusschtellig zeigt worde.
Dr Artikel basiert uf ´ra freie Ibersetzung vum Artikel „Lützelau“ us dr dytsche Wikipedia. E Lischte mit de dörtige Autore kasch dörte aluege
