Ptolemäus
Us der alemannische Wikipedia, der freie Dialäkt-Enzyklopedy
Dr Ptolemäus (griech. Κλαύδιος Πτολεμαῖος, Klaúdios Ptolemaíos, lat. Claudius Ptolomaeus) (* um 100, vermuetlig z Ptolemais Hermii, Ägypten; † um 175, vermuetlig z Alexandria, Ägypten), isch ä griechische Mathematiker, Geograph, Aschtronom, Aschtrolog, Musigtheoretiker und Philosoph gsi. Dr Ptolemäus het wohrschiinlig z Alexandria (Ägypten) gschafft.
Dr Ptolemäus het d Mathematike Syntaxis („mathematischi Zsämmeschdellig“), spöter Megiste Syntaxis („gröschti Zsämmeschdellig“), hüt Almagest (abgleitet vom Arabische al-Majisṭī) än Abhandlig über d Mathematik und d Aschtronomii in 13 Büecher. Si isch bis zum Änd vom Mittelalter ä Schtandardwärk vo dr Aschtronomii gsi und het näbe em enä usfüehrlige Schtärnkatalog ä Verfiinerig vom geozentrische Wältbild, wo dr Hipparchos von Nicäa vorgeschlage het und wo schböter s Ptolemäische Weätbild gnennt worde isch.
Er het s heliozentrische Wältbild vom Aristarchos vo Samos und vom Seleukos vo Seleukia abglähnt, und für meh as es Johrduusig isch siis Wältbild s einzige gsi, wo d Chille und die Glehrte akzeptiert hai, bis es vom moderne heliozentrische Wältbild ersetzt worden isch wo dr Nikolaus Kopernikus, dr Johannes Kepler und dr Galileo Galilei entwicklet hai.
| Persoonedaate | |
|---|---|
| NAME: | Ptolemäus |
| ALTERNATIVNAMEN: | Klaudios Ptolemaios, Claudius Ptolomaeus |
| KURZBESCHREIBUNG: | griechischer Mathematiker, Geograph und Astronom |
| GEBURTSDATUM: | um 100 |
| GEBURTSORT: | Ptolemais Hermii, Ägypten |
| STERBEDATUM: | um 175 |
| STERBEORT: | Alexandria, Ägypten |
