Schweizerisches Idiotikon
Us der alemannische Wikipedia, der freie Dialäkt-Enzyklopedy
| Technische Yschränkung: Dr koräkt Titel wär: »s Schwizerische Idiotikon« |
S Idiotikon (Schweizerisches Idiotikon, Schweizerdeutsches Wörterbuch) isch es Projäkt zur vollschtändige Inventarisierig vo allne Schwiizer Dialäkt. Im 1806i hät de Pfarrer Franz Joseph Stalder en Versuech vomene Schwizerische Idiotikon i zwee Bänd publiziert. Sis fertige Manuskript vo 1832 hät de Stalder nüme chöne veröffetliche. Es isch lang z Luzern gläge, und ab 1901 z Züri, und hät als Grundlag für s meerbändigi Idiotikon ab de 1860er ddient. Im 1994i isches doch no veröffentlicht worde, editiert vom Nikolaus Bigler.
Abem 1862i isch uf Initiative vom Friedrich (Fritz) Staub de "Verein für das Schweizerdeutsche Wörterbuch" ggründet worde, und 1881 sind di erschte Faszikel glifered worde. De 15ti Band isch im Jaar 2000 fertig worde, und es feeled jetz no zwee Bänd. Wahrschiinli wird s Lexikon bis im 2020i komplett sii.
