Theudebald (Alamanne)
Us der alemannische Wikipedia, der freie Dialäkt-Enzyklopedy
D Theudebald au Theutbald (* ?; † 746?) isch a alamannischa Herzog vun 709 bies 744 gsi. Er wor d Sohn vum Gotfrid un d Brueder vum Lantfrid.
Nochm Tod vum Herzog Gotfrids 709 het d Theudebald zomme mit sinem Brueder Lantfrid s Omt vum alamannische Herzog ybernumme. Bide Brüeder sin in ihrem Omt dä fränkische Husmeier in erbitterti Feindschaft gegenyber gstonde.
D Kloschterbischof Pirminius het 724 unterm Schutz vum Husmeier Karl Martell des Kloschter Reichenau inmitten vum alamannische Herzogtum grindet. Des isch vum Lantfrid un Theudebald als Provokation ufgfasst worre. Theudebald het 727 d Abt Pirmin votribä, ob odium Karoli (us Hass gegä d Karl). Un 732 au d Nochfolger Abt Heddo usm Kloschter Reichenau.
730 het d Karl Martell ä Feldzug gege d Herzög Theudebald un Lantfrid gfyhrt. Lantfrid isch no im selbe Johr gstorbe un d Theudebald het doraufno des alleinigi Herzogenomt ybernumme.
742 het sich Theudebald zomme mit d Vaskonen, Bajuwaren un d Sachsen im Elsass gege d Husmeier Karlmann un Pippin III. erhobe. 743 hen d Theudebald un d Bajuwarenherzog Odilo ä Niederlag om Lech gege beidi Husmeier erlitte. Noch m erneuti Ufstand gege d Pippin im Johr 744 isch Herzog Theudebald vun Pippin bsiegt un us Omt un Würdi gworfe worre.
[ändere] Quelle
- Hermann der Lahme
[ändere] Literatur
- Dieter Geuenich: Geschichte der Alemannen. Kohlhammer, Stuttgart 2004 ISBN 3170182277 / ISBN 3170120956
[ändere] Ekschterni Syte
Dr Artikel basiert uf ´ra freie Ibersetzung vum Artikel „Theudebald (Alamanne)“ us dr dytsche Wikipedia. E Lischte mit de dörtige Autore kasch dörte aluege
| Persoonedaate | |
|---|---|
| NAME: | Theudebald |
| ALTERNATIVNAMEN: | Theutbald |
| KURZBESCHREIBUNG: | Alamannischer Herzog von 709 bis 744 |
| GEBURTSDATUM: | |
| GEBURTSORT: | |
| STERBEDATUM: | 746 |
| STERBEORT: | |
