Triesenberg
Us der alemannische Wikipedia, der freie Dialäkt-Enzyklopedy
| Wappa | |
|---|---|
 |
|
| Basisdata | |
| Wahlkreis: | Oberland |
| BFS-Nr.: | 7004 |
| PLZ: | 9497 |
| Koordinaten: | 47° 08' n. Br. 9° 33' ö. L. |
| Höhi: | 884 m ü. M. |
| Flächi: | 29.8 km² |
| Ywohner: | 2564 (30. Juni 2005) |
| Websita: | www.triesenberg.li |
| Karta | |
 |
|
| Technische Yschränkung: Dr koräkt Titel wär: »Trisabärg« |
 |
Dialäkt: Walserdütsch |
Dr Trisabärg (liachtaschtanerisch Tresabärg - ma seet öppadia o afach "Bärg", hochdütsch Triesenberg) isch, wias dr Nama seid, ober Trisa. D Trisabärger händ ganz n’eigna Dialäkt, will schi äs Walservolk sind.
Vor 650 Jahr sinsch is Liachtaschtei igwanderet und händ va da Trisner dr Boda uberko.
Trisabärg lit ufnera Terrassa am Berghang, und ma hät a wundrschöne Ussecht öbers Rhiital von döt. Ma ka guat gi spaziara go, s hät jedi Menge Wäg. Odr ma goht is Reschtaurant, und wenn an Platz uf dr Terrassa odr am Feeschtr öbrkunnt, ka ma näbem Essa dia härrleg Ussecht gnüssa.
Mängsmol im Winter lit Trisabärg scho öberem Näbel, wo meischtens vom Bodasee hära is Rhiital krücht, aber mindeschtens a betzle oberhalb vom Ort isch ma seher oberhalb vo dr Wolkagrenz, und d Wintersunna lüüchtet öber vilna schneebedeckta Berg und amna wiissa Näbelmeer.
D Kiarha vom Tresabärg hät an wunderschöna Zwibeltorm, öbregens dr anzeg z Liachtaschta.
Bis is Tal brucht ma eppa a halb Stund, und d Stross macht sehr vile Ränk. Vom Tresabärg kond o d Schüaler bis is Gymnasium Vadoz.
