Aneto

De Biquipedia

Iste articlo ye sobre o lugar ribagorzano. Ta atros usos se beiga Aneto (desambigazión).

Aneto
{{{imachen}}}
Comunidat autonoma	Aragón
Probinzia	Uesca
Redolada	Ribagorza
Codigo postal	25524
Monezipio	Montanui
Superfizie	{{{superfizie}}} km²
Altaria	1340 m.
Distanzia	182 km enta Uesca
Poblazión	30 ab. (1999)
{{{situazión}}}

Aneto ye un lugar situato en a parti norte d'a ball de Barrabés, en a redolada d'a Ribagorza, á unos 1340 metros d'altaria. Pertenexe á lo monezipio de Montanui (Uesca).

Biben en o lugar de forma permanent unas bente personas. L'autibidat prenzipal ye a ganadería de montaña. Ha unos grans tascals y tamién praus de yerba ta dallar. A fabla abitual ye la catalana.

En o lugar bi ha un bar restaurante, casas rurals que ofrexen aloxamiento e una casa de colonias d'estiu (L'Estel), ta ninos e chobens. Tién tamién un "zentro d'interpretazión" d'o Parque Natural de Posets-Maladeta, á lo cual pertenexe parti d'o suyo termín.

D'o mesmo lugar sale una carretera de montaña que leba ta l'ibón de Llauset, á 2100 metros d'altaria. Ista carretera ye ubierta, cheneralment, de chunio á otubre. Se fazió en os años setanta, ta construyir un gran entibo e una serie de tonels e d'instalazions ta la zentral rebersible dita de Llauset-Baserca.

Por custions purament cartograficas se dió (en o sieglo XVIII) o nombre d'o lugar á lo pico Aneto, lo más alto d'os Perinés, ya que un equipe de topografos franzeses lo cartografió saliendo d'iste lugar.