Biolant d'Ongría
De Biquipedia
|
||
| Informazión | ||
|---|---|---|
| Reina consorte en |  Aragón |
|
| dende | 1235 | |
| dica | 1251 | |
| Prezedito por | - | |
| Suzedito por | - | |
| Naximiento | 1216? | |
| Muerte | otubre de 1251 | |
Biolant d'Ongría, naxita arredol de 1216 en Ongría e muerta en Uesca l'otubre de 1251, estió reina d'Aragón entre 1235 e 1251, dimpués de casar con o rei Chaime I, de qui estió segunda muller.
Yera filla de o rei ongaro Andrés II e de Biolant de Courtenay. O suyo dote sinificaba una alportazión de diners e bels territorios que nunca no se fazioron efeutibos.
Impulsó de trazas dezisibas a conquiesta de Balenzia en 1238 e partizipó autibament en a politica reyal, pensando sobre tot en as partizions de os territorios que dixarían como patrimonio á os fillos d'ella con Chaime I, mirando debez de malimponer o más posible á o suyo marito con Alifonso, o fillo que o rei eba tenito con a primer muller, Leonor de Castiella.
Biolant e Chaime I tenioron cuatre fillos e zinco fillas:
- Pietro, o eredero de o trono.
- Chaime, que estaría rei de Mayorga.
- Ferrando, muerto luego.
- Sancho, que estaría arzebispe de Toledo.
- Biolant, que casaría con Alifonso X de Castiella.
- Constanza, que estaría muller de Manuel de Portugal.
- María, que se fería relichiosa.
- Sancha, que moriría en pelegrinache ta Tierra Santa.
- Isabel, que casaría con Felipe III de Franzia.
Os restos d'ella e d'una de as fillas, Sancha, chazen en o presbiterio de o monesterio zisterzense de Santa María de Vallbona, en Cataluña.
